MAKUH 1:34 - Cho Bible Common Language 2016

³⁴ Bawipa Jesuh naw nat nak a hlü hlü ah gaw ci gui cu gai sak gui ne, khoshe gui phi k’täm gui yawp ci. Khoshe gui naw ani cu a u ah a kyak ah hmat pyi ci gui ah kyasei, Bawipa Jesuh naw ng’thu ami pyein vai ah akhin cu kä pe gui ci.

MAKUH 1:34 Referans Kwoze

LUKA 4:41

Khoshe gui cu chang gui ungka lut law yawp u netah, “nang cu Khanpughi ah Htapa ah na kyak ci nei” cine ng’shäu u ne dawng yawp ci gui. Bawipa Jesuh Messiah ah a kyak cu khoshe gui naw hmat ci gui ah kiasei, acun ah mawng kä ami pyein vai ah m’cäi gui ci.

MAKUH 3:12

Bawipa Jesuh naw mümcha she gui cu, ani a u ah a kyak ah mawng m’dang ne kä ami pyein vai ah khän ne k’bäi gui ci.

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

MAKUH 1:25

Bawipa Jesuh naw, “kä chawkchek ne, chang ungka lut law ne a hei ah hteit ä” cine taam ci.

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.