MAKUH 1:32 - Cho Bible Common Language 2016

³² Khohni sip ne khomü hun law khätah, chang gui naw gawpai ci gui la khoshe ah kai gui cu Bawipa Jesuh ah om nak ah law püi ci gui.

MAKUH 1:32 Referans Kwoze

MATTHE 8:16

Khomü lam ah chang gui naw khoshe ah kai, chang akda law püi u sei, khoshe gui cu k’de ne k’täm gui ci.

LUKA 4:40

Khohni a sip kawn ah chang gui naw akgaw gui akda law püi u sei, ak gaw gui ah khan ah tän ne a kut taih ne gai sak gui ci.

MAKUH 3:2

Cun ung om ciah chang gui naw Bawipa Jesuh ah a katnak cu hmu hlü u netah, kyin hnüüp ung cun ah a kut shuum ciah chang cu a gai sak la kä a gai sak ah teng kheng ci gui.

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.

MAKUH 1:21

Bawipa Jesuh la ang düihpüi gui cu Kapernaum gawnu ah gawk law u netah, kyin hnüüp ung Bawipa Jesuh naw pum im ah hteit ne m’theithang gui ci.

MATTHE 8:17

Cun ah abi gui cu profet Isaiah ah ng’thu ung, “Kami gaw nak gui näng ne, kami nat nak gui hteh püi yawp ci nei” cicu a khüm nak ah kyak ci.

MAKUH 1:31

Bawipa Jesuh naw a pei ah hteit netah, a kut ung pang ne m’tho ne gai sak sei, cun ah hnumi naw ngami cu khin chah na gui ci.

LUKA 4:41

Khoshe gui cu chang gui ungka lut law yawp u netah, “nang cu Khanpughi ah Htapa ah na kyak ci nei” cine ng’shäu u ne dawng yawp ci gui. Bawipa Jesuh Messiah ah a kyak cu khoshe gui naw hmat ci gui ah kiasei, acun ah mawng kä ami pyein vai ah m’cäi gui ci.