MAKUH 1:21 - Cho Bible Common Language 2016

²¹ Bawipa Jesuh la ang düihpüi gui cu Kapernaum gawnu ah gawk law u netah, kyin hnüüp ung Bawipa Jesuh naw pum im ah hteit ne m’theithang gui ci.

MAKUH 1:21 Referans Kwoze

MAKUH 6:2

Kyin hnüüp ung Bawipa Jesuh naw pum im ah hteit ne m’theithang gui ci. Cun ah am theithang gui cu ng’ya u netah chang gui cu cäicat u ne, “Shin ah chang naw shin ah hmuhmat nak a hawi kaa ang a gah? Ani ah hmuhmat nak cu a i hmuhmat nak ang? Cäi-aih vai gui mä a i hawkcha ah am dang hning ang?

MAKUH 1:39

Bawipa Jesuh cu Kalile kho avan ung hteit ne, pum im gui ung thu pyein ne, khoshe gui phi k’täm gui ci.

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

LAMKTU 17:2

Paul cu abi man ah mäih ah pum im ah hteit ne, pum hnüüp thum vei ung, cacim cu m’hlan ne tän ne pyein ne chang gui awn ng’cecäk ci gui.

LAMKTU 18:4

Ani cu pum im ah pum hnüüp päng, ung Judah chang gui la Krik chang gui naw ami yum law tu vai ah ng’thu m’thein gui ci.

MATTHE 4:13

Ani cu Nazaret kho ung kä om ne, Zebulun la Nahtali kho ah ng’lak Kalile tuili pei, Kapernaum gawnu ah hteit ne om ci.

LUKA 13:10

Pum hnüüp ung Bawipa Jesuh cu pum im ah m’theithang gui ne om ci.

LUKA 10:15

Aw Kapernaum gawnu! Nang cu khankho ah gawk khai ah m’hlüngtai vai na ng’ya hlük ci ang? nang cu m’htei kho ah ning yuk buh hlit vai nei” cik ci.

LUKA 4:16

Cun kawn ah Bawipa Jesuh cu a däm ng’vai law nak Nazaret gawnu ah hteit ba ci. Ani cu kyin hnüüp ung a hteh man ah, pum im ah hteit ne, cacim cu phat khai ah ng’düi law khätah;

MAKUH 10:1

Cun kawn ah Bawipa Jesuh cu, cun ungka ng’düi law ne Judea kho ah hteit netah, Jordan tuinu hei kat ci. Chang gui cu Bawipa Jesuh ah pei ah ng’cut law ba u sei, am theithang man ah m’theithang ba gui ci.

MAKUH 2:1

Hnüüp api shou hta khätah, Bawipa Jesuh cu Kapernaum gawnu ah gawk law ba ne om sei, ‘Im ah gawk law ba ne om ci’ cicu chang gui naw ng’yak ci gui.

MAKUH 1:20

Bawipa Jesuh naw ngani cu a hmu goi vai-am khü goi sei, ngani naw ani pa Zebedee la ak chang gui cu hleiko khan ah nawng shüt ne a hnu läk tuk ci goi.

MAKUH 1:29

Cun kawn ah Bawipa Jesuh la ang düihpüi gui cu pum im ungka lut law ba ne Simon la Andru ah im ah hteit ci gui. James la Johan phi hteit tuk ci goi.

MAKUH 1:33

Cun ah pigaw ungka chang gui ami van law u ne, cun ah im pei ah ng’bum lawk ci gui.

MAKUH 3:1

Cun kawn ah Bawipa Jesuh cu pum im ah hteit ba ci. Cun ah pum im ah a kut vangtäng shum ciah chang tumat om ci.

LUKA 4:23

Bawipa Jesuh naw, “Nangmi naw, ‘Nang seibawi, na mät ah nat nak, na mät naw na gai vai ah m’htei ä’ ciah khuishui ah mäih ah nami na ng’thu püi khai, Kapernaum ah na bi ah mäih ah, na mät ah pigaw ung phi na bi vai, cine nami kyak khai;