MAKUH 1:13 - Cho Bible Common Language 2016

¹³ Cun ah bungpuk ah khoshe naw Bawipa cu kho hnüüp phli-kip ung tüihtok ci. Cun ah bung ah kiung ciah khisa gui om ci gui, cun ung phi khanchang gui naw Bawipa cu m’hteihtang ci gui.

MAKUH 1:13 Referans Kwoze

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

PHYAWN NAK 34:28

A cu ah Moses cu Bawipa awn a täng ah hnüüp phlikip la, mü phlikip ung ei kä ei, tui kä awk ah om ci. Ani naw lung phe gui ah khan ah thumkhän ca ng’lung gui cu guk ci, thumkhän gha ah kyak ci.

MATTHE 26:53

Kei naw kapa ah kang yoih ah a kyak ung Kapa naw ga-mo mawng gha-lei-goi ah däm ciah khankho chang gui cu, tüi lawk khai ci cu, kä nami hmat ci maa?

THULÄÄN NAK 9:25

“Cun ah kyasei kei cu m’dek ung ka hmai m’kyum ne Bawipa ah ma ah hnüüp phlikip la mü phlikip ka om ci. A i ah kyasei ci ung nangmi ning m’di gui khai ah ak bäi pyi cu kei naw ka hmat ci.

THULÄÄN NAK 9:18

Cun kawn ah kei naw ka hmai ka ah m’kyum ne Bawipa ah om nak ung hnüüp phlikip la mü phlikip ung a i kä ei awk ah ka om ci. Kei naw cun ah ka bi cu nangmi naw katnak bi u ne Bawipa nami hnungtuk püi ah phäh la m’lungshe khai ah nami bi ah phäh ah kyak ci.

THULÄÄN NAK 9:11

Ä! Hnüüp phlikip la mü phlikip alüng kawn ah ani naw thumkhän a guk ah lungphe hnih cu Bawipa naw kei am na pek ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

PHYAWN NAK 24:18

Moses cu khong mei ah ng’lung ah khomhtung ah hang kai ci. Acu ah ani cu hnüüp 40 la mü 40 om ci.

MATTHE 4:1

Cun kawn ah khoshe ah tüihtok nak a aut vai ah Bawipa Jesuh cu Mumcha naw bung ah hteh püi ci.

LUKA 4:1

Bawipa Jesuh cu Mumcha Theing awn be ne Jordan tuinu ah kaa law ba khätah, Mumcha naw bungbuk ah khah püi ci.