LUKA 9:59 - Cho Bible Common Language 2016

⁵⁹ Bawipa Jesuh naw, a hei chang tumat-am, “Na läk law ä” ci nak ci. Cun ung phi ani naw, “Kapa ah gook cu ka va m’cim ba cang khai nei” cik ci.

LUKA 9:59 Referans Kwoze

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

1 GHANGPUGHANG GUI 19:20

Elisha naw vantang gui nawng ne, Elijah ah dawng law neta a pyen cu, “Kapa la kanu cu ng’ui ne ka yavaih goi cang khai, cun kawn ah nang awn a täng ah ka hteit tuk khai nei” cik ci. Elijah naw, “Ä ya, hteit ba ä, kä ka ning ma nak khai nei!” cik ci.

HAKKAI 1:2

Hlüngtasi säih ciah Bawipa naw Hakkai a pyen nak cu, “Shin ah chang gui naw Taigüim cawh ba vai ah kä khin phak ci nei, cik ci gui,” ci neta,

MATTHE 9:9

Bawipa Jesuh naw cun ungka a hteh nak ba lam ah, ayung kyong ah ngok ciah, akhawn look ciah Matthe cu hmu netah, “Ka hnu ah na läk ä,” cine kyak na sei, Matthe cu tho law ne a hnu ah läk tuk ci.

LUKA 9:60

Bawipa Jesuh naw, “Aksi cu aksi gui naw m’cim u sä, nang hteit ne Khanpughi ah Uknak kho ah mawng cu na pyein vai nei” ci nak ci.