Biblia Todo Logo
Bib sou entènèt

- Piblisite -




LUKA 9:56 - Cho Bible Common Language 2016

56 Cun kawn ah Bawipa Jesuh la ang düihpüi gui cu a hei pigaw tumat ah hteit ci gui.

Gade chapit la Kopi




LUKA 9:56
16 Referans Kwoze  

Shetkat nak awn kä na ng’yom men vai, akni awn akshe cu na näng vai nei.


Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.


Khanpughi naw A Htapa am kyum law cu, khomdek khan ah kat nak m’kat khai ah kä kyak ci, hun phiawn nak pek khai ah kyak ci.


M’guk ei cu, m’guk khai, ngawn khai, plawhsheh khai ah lawk ci. Kei läi cu nangmi naw ghin nak nami gah vai la ghin nak akümbe vai ah ka lawk ci.


Chang ah Htapa cu maih ciah chang gui shui ba gui ne hun gui khai ah kyum lawk ci nei” cine Zakhaeus-am pyen nak ci.


“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.


‘Bawi Khrih Jesuh cu cheishoh ci gui hun khai ah khmodek khan ah kium lawk ci,’ ciah thu cu düng ciah thu ah kyasei, ak be ah dou ne yum vai ah kya ci. Kei cu ak shekha pi ah ka kyak ci,


Kei ah ng’thu ng’ya lang ne kä läk ciah chang cu kei naw m’khoichaa nak kä ka pek khai; kei cu m’dek khan kam khoichak khai ah kä ka lawk ci, ka hun khai ah ka lawk ci.


Bawipa Jesuh naw, “Ngami cu a i ami bi ah ami mät naw kä hmat ci gui nei, m’gein gui ä” cine pyein ci. Chang gui naw Bawipa Jesuh ah a suisak gui cu, m’shüih tawk ne ng’pai ci gui.


Bawipa Jesuh naw, “A cän bäng ah” ci netah, acun ah hnga cu akut awn tawk ne m’htei tu sei khan ba ci.


Cun ung phi nangmi ning kat na gui ciah chang ah khan ah phu kä nami tuk vai, cine kei naw ka pyein ci. Nak pat lam nang being ami ning k’beeih ung, nak eng lam nang being mä nacun ba vai.


Bawipa naw ngani cu akni ah m’cäi goi ci.


Cun ah ami hteh yah ung chang tumat naw Bawipa Jesuh-am, “Na hteh nak päng ah ka ning läk khai nei” cik ci.


(Chang ah Htapa cu maih ciah chang gui hun khai ah lawk ci.)


Swiv nou:

Piblisite


Piblisite