LUKA 9:48 - Cho Bible Common Language 2016

⁴⁸ Cun kawn ah Bawipa Jesuh naw, “Kei ah ming awn shin ah ak hmaw dou ci cu, kei na dou ciah kyak ci, kei na dou ciah chang cu, kei na tüi lawk ci dou ciah kyak ci, Nangmi ungka ak yaw pi k’bäih cu ak bä pi k’bäih ah kyak ci” cik ci.

LUKA 9:48 Referans Kwoze

LUKA 14:11

Amät naw amät m’hlüngtai ci cu, neim sak nak gah khai, amät naw amät neim sak ci cu, m’hlüngtai nak gah khai” cine m’cäi gui ci.

1 PETER 5:6

Khanpughi ah hlüngtai säih ciah a kut kaa ah nami mät naw nami mät ng’neim sak ne om vä, cun ung Khanpughi naw ni pi ciah akhin ung ning yu chang gui khai nei.

LUKA 22:26

Cun ung phi nangmi naw cun ah kä nami ngaih vai. Nangmi ung hlüngtai pi ci cu, ak hmaw pi ah mäih ah om sei, ng’vai pi ci cu changshäm ah mäih ah a om vai.

JOHAN 13:20

Kei naw akcang ka pyein cu, “Kei ah tüih law dou cicu kei na dou ciah kyak ci, kei na dou cicu kei na tüi lawk ci dou ciah kiak ci” cine m’thein gui ci.

LUKA 10:16

Bawipa Jesuh naw, Ang düihpüi gui-am, “Nangmi ah ng’thu ngai cicu kei ah ng’thu ngai ci, nangmi ning nawng gui ci cu, kei na nawng ci, kei na nawng ci cu, kei na tüi lawk cicu nawng ciah kyak ci” cine m’thein gui ci.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

JOHAN 14:21

“Ka thukhän dou ne läk ciah chang cu kei nam hni ciah kyak ci. Kei nam hni cicu Kapa naw m’hni ci, kei naw phi ani cu m’hni ne, ani ung ka mät kang dang khai” cik ci.

LUKA 22:30

Nangmi cu kei ah uknak kho ung kei awn a täng ah nami ei aw tuk khai. Cun kawn ah mang ah kiang ung ngo u netah, Israel pakhui gha-lei-goi cu nami uk khai nei” cik ci.

LUKA 7:28

‘Anu ah puk ung ng’tüi lawk ciah chang gui nüng ung, Johan ah bämang pi cicu a u kä om ci nei” cine ka ning m’thein gui ci. Cun ung phi Khanpughi ah Uknak kho ung akyaw pi k’bäih cu Johan na mä bämang ba pi ci nei” cine m’thein gui ci.

MAKUH 9:37

‘Kei ah ming awn shin ah mäih ah ak hmaw dou ciah chang cu kei na dou ciah kyak ci. Kei na dou ciah chang cu kei bäng na dou ciah kä kyak ci, kei na tüi lawk ci phi dou ciah kyak ci” cine kyak na gui ci.

MATTHE 25:45

Cun kawn ung ghangpughang naw, ‘Kei naw akcang ka pyein cu shin ah chang gui ungka ak yoken pi ah chang käm hteihtang ne nami om phung cu, kei kä nam hteihtang ne nami om ah kyak ci’ cine kyak na gui khai.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

MATTHE 19:28

Bawipa Jesuh naw, “Kei naw akcang ka pyein cu, kho akthai a gawk law hnüüp ung chang ah Htapa cu, bämang nak awn kümbe ciah mang ah kiang ung ngok khai, Cun yah ung kei ah kang düihpüi ah nami kyak ciah nangmi cu, mang ah kiang gha-lei-goi ung ngoh u ne, Israel pakhui gha-lei-goi cu nami uk khai.

MATTHE 18:14

Acun ah mäih ah khankho ah nami Pa naw phi ak hmaw hta tumat lam hma ne a dimaih vai cu käng ya hlük ci.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

NG'THU K'THUUK~ 18:12

Am’lung ka ng’neim sak ciah chang cu a u naw ka chang m’sui ci. Chang omshe gui cu ami di nak vai ah lam ung om ci gui.

THU PHLAAN 21:14

Mang gaw k’chaam nak ung lung k’tung gha-lei-goi ng’ling ci gui. Cun ah lung k’tung gha-lei-goi ung Htomehta ah ng’düihpüi gha-lei-goi ah ming gui cu guk ah kyak ci.