LUKA 9:43 - Cho Bible Common Language 2016

⁴³ Chang gui cu Khanpughi ah küikyang hlüngtai nak cu hmu u netah cäicat ci gui. Chang gui naw a bilawh gui ah phäh ah ami cäicat yah ung, Bawipa Jesuh naw,

LUKA 9:43 Referans Kwoze

MATTHE 17:22

Bawipa Jesuh la ang düihpüi gui cu Kalile kho ah ami hteh hton yah ung Bawipa Jesuh naw, “Chang ah Htapa cu chang gui ah kut ung ap khai gui.

2 PETER 1:16

Bämang nak awn Bawipa Jesuh Khrit a kyum law ba vai ah mawng ning m’thein gui cu, kami mät ah ngaih-tüh ah kami pyein ah pumah awi ah kä kyak ci. Keimi cu ani ah hlüngtai nak kami mik awn kami hmuk ciah chang ah kami kyak ci.

LUKA 8:25

Bawipa Jesuh naw, “A hawi ang nami yum nak?” ci ne ang düihpüi gui cu pyen na gui ci. Ang düihpüi gui cu cäicat kyikyawk u netah, “Shin ah chang cu a u ang? Kho khi la tui hnawk naw ani ah ng’thu ngai ci gui nei” ci ne ami mät ng’htau ci gui.

LUKA 5:26

Cun hmuk ciah chang gui ami van cäicat kyikyawk u netah, “tuhngawi mi hmu teng cu ang htei ah küikyang aih ci nei” ci ne kyak ci gui.

LUKA 4:36

Chang gui cu cäicat u netah, “A ni a i hlawk ah huham ah ne ang, khoshe hngaw aktäm hning? cine ami mät ng’ce ng’cäk u netah hteit ba ci gui.

ZEKHARIAH 8:6

“Shin cu tuhbäi om shüt ciah changpakhui gui ah hmawk ah kä hmat hning vai ah a kyak ung phi, kei ah hmawk ah hmat vai ah kyak ci nei.

LUKA 5:9

Ani la apaw gui cu nga akda aih pha u netah cäcat ci gui.

MAKUH 6:51

Cun kawn ah ami om nak hleiko ah khan ah hang kai tuk ci. Ang düihpüi gui cu ang htei ah cäicat ne ngaih-tüh khit ci gui.

SAM 139:14

Nang cu ka ning m’tam ci, a i ah kyasei ci ung nang cu kyih aa vai na kyak ci; Nang ah na bi phung cu a hlü hlü ah cäicat vai kyak ci. Kei naw cun cu ka m’lung kyong avan awn ka hmat ci.

LUKA 9:42

Cun ah ak hmaw a gawk law yah ung khoshe naw m’gaw law ba sei m’dek ung ng’tat ne, ng’khlet ne ng’yän ci. Bawipa Jesuh naw khoshe cu k’täm ne, ak hmaw cu gai sak netah, apa-am ap ba ci.

LUKA 18:43

A cun vai-am ani cu amik m’dei lawk ci Cun kawn ah Khanpughi ah bämang nak m’hlüngtai ne, Bawipa Jesuh ah hnu ah läk tuk ci. A cun gui cu hmu tuk ciah chang gui ami van cu Khanpughi ah ming m’hlüngtai ci gui.