LUKA 9:42 - Cho Bible Common Language 2016

⁴² Cun ah ak hmaw a gawk law yah ung khoshe naw m’gaw law ba sei m’dek ung ng’tat ne, ng’khlet ne ng’yän ci. Bawipa Jesuh naw khoshe cu k’täm ne, ak hmaw cu gai sak netah, apa-am ap ba ci.

LUKA 9:42 Referans Kwoze

LUKA 7:15

Cun kawn ah Bawipa Jesuh naw anu-am ap ba ci.

THU PHLAAN 12:12

Cun ah kyasei khanmawpi la khankho chang gui yeikyai vä. Khomdek la tuinu ah phäh ah thüisei vai ah kyak ci nei. A i ah kiasei ci ung khoshebawi cu amät ah akhin apihta bäng om ba ciah hmat netah, ang htei ah m’lungshe ne ngami ah om nak ah a gawk law pyi ah hmawk ah kyak ci nei” cine a pyein cu ka ng’yak ci.

LUKA 9:39

Khoshe naw ani cu m’lau ne ng’tat khai ah ci sei, am shi phawp phi hmoh ci ci nei. Ani cu ang htei ah bawngbai yaica khai ah ci ne tah khoshe cu lut law ba ci ci.

MAKUH 9:20

Cun ah ak hmaw cu a pei ah law püi ci gui. Khoshe naw Bawipa Jesuh a hmuh vai-am, ak hmaw cu ci cun law ba sei, ani cu ng’tum ne ng’khlet ne, am shi phawp hmoh ne, m’dek ung kyu ne ng’yän ne ng’taih shüi shüi ci.

2 GHANGPUGHANG GUI 4:36

Elisha naw Kehazi cu khü neta, a hmaw ah nu cu khü sak ci. Ani law khäta a pyen nak cu, “Shin ung na htapa.”

LAMKTU 9:41

Peter naw cun ah hnumi cu k’pang ne ng’düih sak netah, hmeinu gui mah mah ah yum ciah chang gui ami van cu khü gui ne, ghing ba ciah Dorkas cu ap gui ci.

1 GHANGPUGHANG GUI 17:23

Elijah naw a hmaw cu anu ah om nak ka ah yuk hteh püi ba neta a pyen nak cu, “Teng ä, na hta ghing ba ci nei!”

LUKA 9:41

Bawipa Jesuh naw, “Zum nak kä om ciah hmu ah ng’hlat ba thei ciah chang gui, kei naw nangmi a i güt ka ning ngäng gui khai ang? ci netah acun ah chang-am, “Na hta cu law püi yä” ci nak ci.

LUKA 9:43

Chang gui cu Khanpughi ah küikyang hlüngtai nak cu hmu u netah cäicat ci gui. Chang gui naw a bilawh gui ah phäh ah ami cäicat yah ung, Bawipa Jesuh naw,

JOHAN 6:19

Ang düihpüi gui cu, maing thum phli vai ung hleiko awn ami hteh kawn ah Bawipa Jesuh cu tui khan ah ng’düi ne ana a vü sei hmu u netah, cäicat ne kyikyawk ci gui.