LUKA 9:41 - Cho Bible Common Language 2016

⁴¹ Bawipa Jesuh naw, “Zum nak kä om ciah hmu ah ng’hlat ba thei ciah chang gui, kei naw nangmi a i güt ka ning ngäng gui khai ang? ci netah acun ah chang-am, “Na hta cu law püi yä” ci nak ci.

LUKA 9:41 Referans Kwoze

THULÄÄN NAK 32:5

Cun ung phi nang cu kä na bekhüt ci, ani ah chang ah kä na khin kha ci. Katnak la thuvi nak awn be ciah pakhui ah na kyak ci.

JOHAN 20:27

Cun kawn ah, Thomas-am, “Na kut awn shin ung nam tham ä, ka kut phi na teng ä, na kut k’phiaat ne kam hnaak cu nam tham shüm ä, a i ni mä, ciah kä ngai ne yum ä” ci nak ci.

JOHAN 14:9

Bawipa Jesuh naw, “Philip, kho cän güt ung nangmi awn a täng ah ka om ci, Kä na na hmat ci ma? Kei na hmuk ciah chang naw Kapa cu hmuk ci, a i ah kyasei, ‘Mipa nam hnuh gui ä’ na ci ang?

MAKUH 9:19

Bawipa Jesuh naw, “Nangmi cu a i hlawk ah a yum nak kä om ciah chang gui ang? Kei cu nangmi awn a täng ah a i güt ka om vai ang? A i güt nangmi ka ning ngaih peit gui vai ang? cun ah ak hmaw kei ah om nak ah law püi vä” cine kyak na gui sei,

MATTHE 17:17

Bawipa Jesuh naw, “Nangmi cu nami yum nak kä om sei nami ng’lihlak yawp ci nei. Kei naw nangmi a i güt ka ning om püi gui vai ang, a i güt ka ning ngaih peit gui vai ang, ak hmaw cu ka pei ah law püi vä,” cine pyen na gui ci.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

HEBRU 4:11

Cun ah kyasei düm nak gah vai ah mik tha nak khai nei. Cun ung kä a mi yum ah hmawk ah düm nak kä gah ci gui ah Israel chang gui ah kä mi kyak khai nei.

HEBRU 4:2

Cau ng’vai gui ah mäih ah mikmi naw Thuni cu mi ng’yak ci nei. Ngami naw Thuni cu ng’yak ci gui, cun ung phi ngami ah phäh ah a bäkhäk nak kä om ci. A i ah kyasei ci ung ngami naw ng’yak u ne phi yum nak awn kä ami dou ah hmawk ah kyak ci.

HEBRU 3:19

Ngahmi cu cun ah kholei ung kä lut tu hlawt khai gui ah mi hmu gui pyi ci, a i ah kyasei ci ung ngami cu kä yum tuk ci gui ah kiak ci.

ROMAN 2:4

Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.

LAMKTU 13:18

k’pya lün nu ah khokum phli-kip pum ung hnimgei ne khah püi gui ci.

LAMKTU 2:40

Peter naw cun bäng ah kä kyak ciah, ng’thu akda pyein neh am cäi gui cu, “nang mi cu, changshe gui naw ami gah vai ah kak ci m’kat nak ung, nami mät naw nami mät cu phiawn sak vä” cik ci.

LUKA 8:25

Bawipa Jesuh naw, “A hawi ang nami yum nak?” ci ne ang düihpüi gui cu pyen na gui ci. Ang düihpüi gui cu cäicat kyikyawk u netah, “Shin ah chang cu a u ang? Kho khi la tui hnawk naw ani ah ng’thu ngai ci gui nei” ci ne ami mät ng’htau ci gui.

MATTHE 16:4

Tuhchü chang gui cu ang htei ah shetkat u ne, düng nak kä om aih ci gui nei. Nangmi naw cäi aih vai nami thäh ci, cun ung phi Jonah ah m’dang ah cäi aih vai ah kawn ah a i nami hmuh vai kä om ci nei,” cine pyen na gui ci. Cun kawn ah Bawipa Jesuh cu pawng ne a hei lam ah hteit ba ci.

MATTHE 12:39

Bawipa Jesuh naw, “Shetkat nak awn om ne, Khanpughi kä yum ci gui ah tuhchü chang gui naw, cäi-aih vai cu k’thäh ci gui nei. Nangmi naw profet Jonah ah cäi-aih vai ah kawn ah, a hei nami hmuh vai a i kä om khai nei.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

SAM 78:8

Ngami cu ami pupa gui ah mäih ah kä kyak ci gui, ami pupa gui cu hnu ng’tuk u ne, ng’thu kä ngai u ne, Khanpughi ami yum nak kä ng’shing ci, kä bekhüt ci gui ah kyak ci.

2 GHANGPUGHANG GUI 5:8

Cun gui cu prophet Elisha naw ng’ya neta, ghangpughang am ng’thu m’khäh lawk ci, “A i ah kyasei nang na thüi ang? Cun ah chang cu tüi law ä, Israel ung prophet a om cu kei naw ka m’dang khai nei!” cik ci.

KHEI NAK 14:27

“A i güt shin ah chang shekha gui naw chiu m’da ne, kei cu na hnungtuk püi khai gui ang? Shin ah chiu m’da ci gui cu kei naw ka ng’ya yawp pyi ci nei.

KHEI NAK 14:11

Bawipa naw Moses cu pyen nak ci, shin ah chang gui naw a i güt na hnungtuk püi khai gui ang? Cäi-aih vai gui akchün akda m’dang pang ä sei phi, ngami naw a i güt kei ung ami ng’ap vai cu mak khai gui ang?

PHYAWN NAK 16:28

Cun kawn ah Bawipa naw Moses am, “Nangmi chang gui naw a i güt ka ng’thu nami maa nak khai ang?

PHYAWN NAK 10:3

Cun ah kyasei Moses la Aaron naw ghangpughang ah hteit ni neta ng’thu ani pyen cu, “Bawipa, Hebru gui ah Khanpughi ah ng’thu cu kei ah na ng’paa law nak vai cu a i güt na mak khai ang? Ka chang gui cu hteh sak gui ä, cun ung ngami naw na khawihnah khai gui nei.

MAKUH 10:49

Bawipa Jesuh cu ng’düi netah, “Cän ah chang, khü ne law püi vä” cine pyen na gui ci. Chang gui naw a mik m’dauh-am, “Kä ng’ä ne, ng’düi law ä, Bawipa naw ning khü ci nei” ci ne kiak nak ci gui.

MAKUH 10:14

Bawipa Jesuh naw hmu gui netah, m’lung she ne, “Akhmaw hta gui cu kei ah law u sä, kä ma na gui vä, Khanpughi ah uknak kho cu ngami ah kho ah kyak ci nei.

MATTHE 23:36

Kei naw akcang ka pyein cu, shin ah a mawng ama gui ah hmawk ah tuhchü chang gui cu shetkat nak gah khai gui.

MATTHE 12:45

Cun kawn ah amät ah mä shekha pi ciah khoshe pachih cu va khü tu ba gui sei, acun ung a täng ah om ci gui. Cun ah kyasei khoshe ah kai ah chang, ak hnu ah a shetkat nak cu, ak htük ungka ah mä, shekha law pi ci. Shin cu tuhbäi shekhak ciah chang gui ung gawk lawk khai ah a mawng ah kyak ci nei” cine pyen na gui ci.

MATTHE 11:28

‘A phuih gih sei cümbawng ciah chang gui kei ah law vä, kei naw ka ning hüiyang sak gui khai. Kei cu hnip hnoi ng’awi ng’gi ne, kamlung neim ci.

LUKA 9:40

Na ng’düihpüi gui cu khü ne ka k’täm sak gui ung phi ngami naw kä m’khüt ci gui nei” cik ci.

LUKA 9:42

Cun ah ak hmaw a gawk law yah ung khoshe naw m’gaw law ba sei m’dek ung ng’tat ne, ng’khlet ne ng’yän ci. Bawipa Jesuh naw khoshe cu k’täm ne, ak hmaw cu gai sak netah, apa-am ap ba ci.