LUKA 9:39 - Cho Bible Common Language 2016

³⁹ Khoshe naw ani cu m’lau ne ng’tat khai ah ci sei, am shi phawp phi hmoh ci ci nei. Ani cu ang htei ah bawngbai yaica khai ah ci ne tah khoshe cu lut law ba ci ci.

LUKA 9:39 Referans Kwoze

LUKA 8:29

Cun ah a pyein cu Bawipa Jesuh naw ani ung om ciah khoshe a dawng vai ah aktäm ah hmawk ah kyak ci. Ani cu khoshe naw akda vei a kai man ah kyak ci. Ani cu a kut khaw avan m’si gui awn khit ne ami k’pawn ung phi, m’si gui kaih pit pit ne khoshe ah khah püi nak, bung puk ah hteit ci man ciah kyak ci.

LUKA 4:35

Bawipa Jesuh naw khoshe cu huuttaap ge ne, “Khoshe, kä chawkchek ne, shin ah chang ungka lut law ne, a hei ah hteit ä” cine k’täm ci. Acun vai-am, ami ma ge ung khoshe cu, chang a i ah phi kä plawh kheih shüt ah lut law ne dawng ci.

MAKUH 9:26

Khoshe cu m’lau ne, ak hmaw cu ng’tum ne ng’thüng khai ah ng’khlet sak netah, lut law ne a hei ah hteit ci. Cun ah ak hmaw cu aksi vai sü ah ng’yän sei, chang gui naw, “Ak hmaw sik ci nei” cik ci gui.

MAKUH 9:20

Cun ah ak hmaw cu a pei ah law püi ci gui. Khoshe naw Bawipa Jesuh a hmuh vai-am, ak hmaw cu ci cun law ba sei, ani cu ng’tum ne ng’khlet ne, am shi phawp hmoh ne, m’dek ung kyu ne ng’yän ne ng’taih shüi shüi ci.

THU PHLAAN 9:11

Ngami ah ghangpughang cu m’hte lungkhui uk ciah khanchang ah kiakci. Ani ah ming cu Hebrew ng’thu awn Abaddon, Karik ng’thu awn Apollyon ah kyak ci, (cun cu m’di ci, ciah kyak ci.)

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.

JOHAN 8:44

Nangmi ah pa cu satan ah kyak ci, nangmi cu nami pa ah ng’yak hlü bäng ah nami bi hlük ci. Satan cu a htük ge ung chang ngawn ciah kyak ci, Ani ung düng nak kä om sei, düng nak awn kä om phung ne hleeihlak thei ci. Ani cu hleeihlak nak ah apa ah kia ne, ang tüi püi ge ah hleeihlak thei ci.

MAKUH 9:18

kiuh ne ng’yän ne, am shi phawp gui lut law sei, a ha kyeet ne, kiai ne ng’yän ci ci nei. Nang ah nang düihpüi gui naw cun ah khoshe cu ami k’täm vai ah khü gui ung phi, ngami naw käm khüt ci gui nei,” cine ng’yawi ne pyein ci.

LUKA 9:38

Chang gui ah ng’lung ah kaa tumat naw, “Bawipa, Kahta na teng law tu peä, tumat hta bäng ah ka hta nei, khoshe naw kai sei, akten ah m’lau ci ci.

LUKA 9:40

Na ng’düihpüi gui cu khü ne ka k’täm sak gui ung phi ngami naw kä m’khüt ci gui nei” cik ci.