LUKA 9:28 - Cho Bible Common Language 2016

²⁸ Cun ah ng’thu a pyein nak, ak hnüüp chih nak ung Bawipa Jesuh cu Peter, Johan, James, ni gui awn taigü vai ah khomhtung ah kai ci gui.

LUKA 9:28 Referans Kwoze

LUKA 6:12

Cun kawn ah Bawipa Jesuh cu m’htung ah kai ne, Khanpughi ah mü lüng ne k’taigü ci.

SAM 109:4

Kei naw m’hni gui ngä sei phi, na ng’tuk püi ci gui, cun ung phi kei naw ka taigü pe gui ci.

LUKA 9:18

Kho hnüüp ät ung Bawipa Jesuh cu amät taigü ne a om yah ung ang düihpüi gui cu a pei ah law u khätah, Bawipa Jesuh naw, “Chang gui naw kei cu a u ah ang ami na ngaih” cine ng’shi gui ci.

LUKA 8:51

Bawipa Jesuh cu pum im uk ciah im ah a hteh yah ung Peter, Johan, James lacun ah ak hmaw ah nu la pa bäng kyong ah luh püi gui ci. Cun ah hnumi hta sik ci kyasei chang akda cu kyap ci gui.

MAKUH 6:46

Bawipa Jesuh cu chang gui gidam gui shüt netah taigü khai ah khomhtung ah kai ci.

MAKUH 1:35

A ngawi ung khongawi kho thai ghi ghi sei, Bawipa Jesuh cu tho ne lut law ne, a ding gei nak ah hteit ne taigü ci.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

2 KORIN 13:1

Tuhbäi kei cu ak thum vei nak ah nangmi ah ka lawk khai nei. Cacim naw, “Amawng ama phung cu chang hnih thum a saksi ung vah m’khoichaa vai” ciah pyein ci.

LUKA 3:21

Chang gui akda tui ami ng’hnim kawn ah Bawipa Jesuh phi tui ng’hnim tuk ci. Ani ak taigü sang ung khankho m’kawt ng’hmawng sei,

MATTHE 5:1

Bawipa Jesuh cu chang gui akda hmu gui netah, m’htung khan ah hang kai ci.

MATTHE 14:23

Cun ah chang gui a tüih ba gui kawn ah amät cu taigü khai ah khomhtung khan ah kai ci. Kho mü law güt sei a cu ah amät om ci.

LUKA 5:16

Cun kawn ah Bawipa Jesuh cu a ding gei nak ah amät hteit ne k’taigü ci.

JOHAN 6:3

Bawipa Jesuh cu m’htung khan ah hang kai ne, ang düihpüi gui awn a täng ah ngok ci gui.

2 PETER 1:16

Bämang nak awn Bawipa Jesuh Khrit a kyum law ba vai ah mawng ning m’thein gui cu, kami mät ah ngaih-tüh ah kami pyein ah pumah awi ah kä kyak ci. Keimi cu ani ah hlüngtai nak kami mik awn kami hmuk ciah chang ah kami kyak ci.