LUKA 9:24 - Cho Bible Common Language 2016

²⁴ A ghin nak ka ng’vang ci cu, a ghin nak maih khai, kei ah hmawk ah a ghin nak pek ci cu, ghin nak gah khai.

LUKA 9:24 Referans Kwoze

LUKA 17:33

A ghin nak hun hlük ci cu, a ghin nak ng’chah khai, a ghin nak ah kä ng’vang cicu hun nak gah khai.

JOHAN 12:25

Amät ah ghin nak vai bäng m’hni cicu didap ci nei; khomdek khan ah mät ah ghin nak ah kä ng’vang ciah chang cu angtai ghin nak gim ciah kyak ci nei.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

HEBRU 11:35

Hnumi gui cun phi ami yum nak awn sih nak ungka ghing ba ciah ami pawchang gui cu gah ba ci gui. Amshah gui cu ng’pängye nak gui maa-en u ne, bä ci ciah ghin nak ung thawh ba vai ah, dukdeiu nak awn sih yawp ci gui.

MATTHE 10:39

Amät ah hnun ghin nak vai k’tha nak ciah chang cu, a ghin nak maih khai, kei ah hmawk ah a hnun ghin nak pek ciah chang cu ghin nak gah khai.

THUSHÄUTU 3:6

Ani naw m’hnü ci, Shui ne hmuh nak ah a khin om ne, a maih nak ah khin om ci; M’cun m’seh nak ah a khin om ne, fih ghawh nak ah khin om ci.