LUKA 9:20 - Cho Bible Common Language 2016

²⁰ Cun kawn ah Bawipa Jesuh naw, “Nangmi naw mä, kei cu a u ah ang nami na ngaih?” cine ng’shi gui ci. Peter naw, “Nang cu Khanpughi ah Messiah nei” cine ng’kiaa ne pyein ci.

LUKA 9:20 Referans Kwoze

JOHAN 7:41

Chang amshah naw, “Messiah cu Kalile kho ungka law hning khai ma?

JOHAN 4:29

“Kei ah ka om ih phung avan pyein hning ciah chang lawk ci nei, law ne teng law tu vä, ani cu Messiah ah kyak khai nei,” cik ne m’thein gui ci.

LAMKTU 17:3

Messiah naw yaica nak a bui aut vai ah mawng, la sih nak ungka a thawh ba vai ah a mawng gui cu cacim va teng teng ne ng’kheing khai ah m’thein gui ci. Paul naw, “Kei naw nangmi am ka ning m’thein gui ah Bawi Jesuh cu Messiah ah kyak ci” cine pyein ci.

LAMKTU 9:22

Cun ung phi Soul naw, Bawipa Jesuh cu Messiah ah a kyak ah mawng cu m’khüt näng nak awn pyein khä tah, Damaskas ah om ciah Jew chang gui naw käm hlan tuba hlawt ci gui.

JOHAN 20:31

Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.

JOHAN 11:27

Mahta naw, “Ka yum ci nei Bawipa, nang cu khomdek khan ung kyum lawk ciah Khanpughi ah Htapa, Messiah ah na kyak cu, ka yum ci nei” cine pyein ci.

JOHAN 4:42

Ngami naw cun ah hnumi-am, “Keimi naw kami yum law cu nang ah nam thein gui ah hmawk ah kä kyak ci, kami mät naw ang thu cu ng’ya u ne kami yum ci. Khomdek khan ah Hunbawi akcang ah kyak ciah kami hmat ci” cik ci gui.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

JOHAN 1:41

Andrew naw anau Simon hmu netah, “Messiah ni hmu pyi ci nei” cik ci. (Messiah cu Chrit ah kyak ci.)

MAKUH 8:29

Bawipa Jesuh naw, “Nangmi naw mä kei cu a u ah ang nami na ngaih” cine ng’shi gui ci. Peter naw, “Nang cu Messiah nei” cine ng’kiaa ne pyein ci.

1 JOHAN 5:1

Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.

LAMKTU 8:36

Ngah ni cu hteit gäk gäk ni netah tui ah om nak ah gawk lawk ci gawi. Cun kawn ah cun nah bawi naw, “Shin yah ung tui om ci, tui kä kang hnim cang vai ah na shung shet ciah mawng a i om ne ang?” ci neh ng’shik ci.

LUKA 22:67

Ngami naw, “Nang cu Messiah ang? Nam thein gui ä” ci ne ng’shik ci gui.

MAKUH 14:61

Cun ung phi Bawipa Jesuh cu m’kha ät ah phi ng’thu kä pyein ne a düm hta ah om ci. Taigütung naw, “Nang cu yeikyai nak ah Khanpughi ah Htapa Messiah ah na kyak ci ma?” cine ng’shi ba mä ci.

MATTHE 5:47

Nami teihpüi bäng nami ng’cengcäk püi ung, nami om ih cu a i chaa ah dang khai ang? Khanpughi kä hmat ci gui phi acun ah mäih ah om ci gui nei.

MATTHE 26:63

Cun ung phi Bawipa Jesuh cu kä chiu phung ne om ci. Taigü tung naw nang cu Khanpughi ah Htapa, Messiah ah na kyak ci ma, kei-am nam thein-ä. Ghing ne om ciah Khanpughi ung thukhäm ne ka ning shik ci nei,” cine pyein ci.

LUKA 9:19

Ang düihpüi gui naw, “Chang amshah naw tuihnim Johan nei cik ci, chang amshah naw Elijah nei ci ci, chang amshah naw cau kaa ghing ne law ba ciah Profet nei cik ci” cine pyein ci gui.