LUKA 9:18 - Cho Bible Common Language 2016

¹⁸ Kho hnüüp ät ung Bawipa Jesuh cu amät taigü ne a om yah ung ang düihpüi gui cu a pei ah law u khätah, Bawipa Jesuh naw, “Chang gui naw kei cu a u ah ang ami na ngaih” cine ng’shi gui ci.

LUKA 9:18 Referans Kwoze

LUKA 11:1

Kho hnüüp ät ung Bawipa Jesuh cu amät taigü ne om ci. Ak taigü yawp kawn ah ang düihpüi tumat naw, “Bawipa, Johan, naw ang khahpüi gui-am am thein gui ah mäih ah taigü vai na m’thein gui ä” cik ci.

MATTHE 26:36

Cun kawn ah Bawipa Jesuh cu ang düihpüi gui awn Ketsemane ami ciah kho hmun ah htei ci gui. Bawipa Jesuh naw, “Nangmi shin ung ana ngo vä, kei a hei ah hteit ne ka taigü khai,” cine ang düihpüi gui cu m’cäi gui netah;

MATTHE 14:23

Cun ah chang gui a tüih ba gui kawn ah amät cu taigü khai ah khomhtung khan ah kai ci. Kho mü law güt sei a cu ah amät om ci.

LUKA 3:21

Chang gui akda tui ami ng’hnim kawn ah Bawipa Jesuh phi tui ng’hnim tuk ci. Ani ak taigü sang ung khankho m’kawt ng’hmawng sei,

LUKA 6:12

Cun kawn ah Bawipa Jesuh cu m’htung ah kai ne, Khanpughi ah mü lüng ne k’taigü ci.

LUKA 9:19

Ang düihpüi gui naw, “Chang amshah naw tuihnim Johan nei cik ci, chang amshah naw Elijah nei ci ci, chang amshah naw cau kaa ghing ne law ba ciah Profet nei cik ci” cine pyein ci gui.

LUKA 9:28

Cun ah ng’thu a pyein nak, ak hnüüp chih nak ung Bawipa Jesuh cu Peter, Johan, James, ni gui awn taigü vai ah khomhtung ah kai ci gui.

LUKA 9:29

Ak taigü yah ung a müi hmai cu ng’khuk hlat ne, asuisak phi a bawk ah pyü ne khang lawk ci.