LUKA 9:16 - Cho Bible Common Language 2016

¹⁶ Bawipa Jesuh naw m’htut pum hma la nga hnih cu la netah, M’htut la nga cu k’bou ne chang gui-am ami tei gui vai ah ang düihpüi gui-am pe gui ci.

LUKA 9:16 Referans Kwoze

MATTHE 14:19

Bawipa Jesuh naw chang gui cu, taa ng’phan khan ah ngoh sak gui netah, m’htut, pum hma la nga pahnih cu la ne, khankho dan ne Khanpughi m’hlüngtai ci. Cun kawn ah m’htut cu bou ne ang düihpüi gui-am pe gui ci, ngami naw chang gui-am tei gui ci gui.

LUKA 24:30

Ngani awn a täng ah va kai ne ngo tu netah, m’htut cu la ne taigü ci. Cun kawn ah m’htut cu k’bou ne pe tu goi ci.

MATTHE 15:36

M’htut pum chih la nga api cu la ne, Khanpughi ah taigü netah, m’htut la nga cu bou ne ang düihpüi gui-am pe gui sei ang düihpüi gui naw chang gui-am tei gui ci gui.

ROMAN 14:6

Kho hnüüp k’ni ngaih-tüh ciah chang cu Bawipa am tamkhah nak ah a ngaih-tüh ah kyak ci; a i ei phi ei thei ciah chang cu Bawipa am tamkhah nak ah a ei ah kyak ci, a i ah kya sei ci ung ani naw cun ah ei ah hmawk ah Khanpughi cu m’hlüngtai ci. Ei am shah hlawi ciah chang cun phi Bawipa am tamkhah nak ah a hlawi ah kyak ci, ani naw phi cun ah a hlawi ah hmawk ah Khanpughi cu m’hlüngtai ci.

LAMKTU 27:35

Cun kawn ah Paul naw m’htut cu la ne, ami van ah ma ah Khanpughi m’hlüngtai ne taigü netah, m’htut cu k’bo ne ei ci.

JOHAN 6:23

Cun ung phi Tiperia ah kaa lawk ciah hleiko gui cu Bawipa Jesuh naw taigü ne chang akda-am ei am bei nak gui te ah pei ah gawk lawk ci gui.

JOHAN 6:11

Bawipa Jesuh naw m’htut cu la ne Khanpughi ah taigü netah, chang gui-am tei gui ci. Nga phi la ne tei gui ci.

LUKA 22:19

Cun kawn ah Bawipa Jesuh naw, m’htut cu la ne Khanpughi m’hlüngtai netah, m’htut cu k’bou ne, ang düihpüi gui-am tei gui netah, ‘Shin ah m’htut cu nangmi ah hmawk ah ka k’bou ah ka pumsa ah kiak ci,

1 KORIN 11:24

Khanpughi m’hlüngtai netah, m’htut cu k’bou ne, “Shin cu nangmi ah hmawk ah kak bou ah ka pumsa ah kyak ci, kei nami na shüm ba nak ah, shikchaa ah nami bi vai nei” cine pyein ci.

1 KORIN 10:30

Kei naw Khanpughi m’hlüngtai ne ka ei ah a kyak ung, cun ah m’hlüngtai ne ka ei nak ah mawng ung, a i ah kyasei chang hei naw kei, ana täitawk tu vai ang?” cine nami ng’shi nak om khai.

MAKUH 7:34

Cun kawn ah khan mawpi dan ne, “Ephphatha” cine pyein ci, cun cu “Ng’lang sä” a ciah kyak ci.

LUKA 9:15

A cun ah ami ngoh sak gui kawn ah,

LUKA 9:17

Chang ami van naw ami phü ah ei ci gui. Ami ei k’pawih avan m’dawn ba u sei, them dawn gha-lei-goi ung be lawk ci.