LUKA 9:12 - Cho Bible Common Language 2016

¹² Khohni sip ne kho mühun law khätah, ang düihpüi gui cu Bawipa Jesuh ah law u ne, shin ah chang gui shi, pigaw gui la lo k’pyu gui yung ah ami ih om tu vai la ami ei awk tu vai ah tüih gui vai nei, shin yah cu chang ah kä om nak ah kyak ci nei” ci ne pyein ci gui.

LUKA 9:12 Referans Kwoze

MATTHE 15:23

Cun ung phi Bawipa Jesuh naw a i ah phi käm shang ci. Ang düihpüi gui cu a pei ah law u netah, “Shin ah hnumi cu mi hnu ah na läk law gui ne, pamcai ci nei, yüi ne gawt ba ä,” cine pyein ci gui.

HOSEA 13:5

Chawng ne ng’gau ciah khaw ung kei naw ka ning m’hteihtang gui ci.

JOHAN 6:1

Cun kawn ah Bawipa Jesuh cu Kalile tuili (Tiperih tuili) hei ga lam ah vang kat ci.

MATTHE 15:32

Bawi Jesuh naw ang düihpüi gui cu khü gui netah, “Shin ah chang gui kei awn a täng ah ami om tu cu hnüüp thum lüng lawk ci nei, Ngami ung ei vai kä om ci, kam gein gui ci nei. A i kä tumbei gui ung ami hteh ba ung lamah ami thagui maih khai nei,” cine kyak na gui ci.

EZEKIEL 34:25

Kei naw ngami awn thukhän ka bik khai, acun naw ami ngaih gep nak vai ah ng’kham pe gui khai. Kei naw kyihkyawk vai kyak ciah khisa gui avan khaw ungka ka k’täm gui khai, cun ung kei ah ka htome gui cu phyawng m’htein ne lolai ung lum u ne, bung hmu ah ip khai gui.

MATTHE 14:13

Cun ah a mawng gui cu Bawipa Jesuh naw ng’ya hetah, amät bäng hleiko awn ading gei nak ah hteit ci. A pigaw päng ung chang gui naw, Bawipa Jesuh ah a hteh cu ng’ya u netah, kawnglam ung hteit ne läk ci gui.

LUKA 9:11

A cun ah mawng cu ng’ya u netah, chang akda naw a hnu ah läk lawk ci gui. Bawipa Jesuh naw chang gui cu dan gui ne Khanpughi ah uknak kho ah mawng cu m’thein gui ci. Gawpai ci gui phi gai ba sak gui ci.

LUKA 9:13

Bawipa Jesuh naw, “Na mi mät naw ei m’bei gui vä” cik ci. Ang düihpüi gui naw, “Keimi ung m’htut pum hma la nga hnih hta bäng vah om ci, Shin ah chang gui avan ah ei vai cu hteit ne kami khleih vai ang?” cine ng’shik ci gui.

PHILIPPIAN 1:19

Nang mi ah taigü nak la Bawi Jesuh Khrit ah Mumcha ah nam hteihtang nak awn cun cu kei ah phyawn law nak vai ah kyak ci.