LUKA 9:11 - Cho Bible Common Language 2016

¹¹ A cun ah mawng cu ng’ya u netah, chang akda naw a hnu ah läk lawk ci gui. Bawipa Jesuh naw chang gui cu dan gui ne Khanpughi ah uknak kho ah mawng cu m’thein gui ci. Gawpai ci gui phi gai ba sak gui ci.

LUKA 9:11 Referans Kwoze

HEBRU 4:16

Cun ah kyasei mikmi cu mi khüighaat ne, m’gein nak ah hmun Khanpughi ah mangkiang ung mi hteit khai nei. Cun ah hmun ung chik-hna nak la gein nak cu, mi ng’yak hlü phung ung mi gah khai nei.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

ROMAN 15:3

Bawi Khrit cu amät ah yeikyai nak vai a i kä bik ci, cun ah abi nak vaisü ung cacim theing ung om ciah; “Chang gui naw Bawipa ami k’shedam nak cu kei ami na k’shedam nak ah kyak ci nei,” a ciah mäih ah chang gui ah k’shedam nak cu gah ci.

ROMAN 10:14

Cun ung phi ngami naw kä ami yum ung a i chaa khü ne ng’yoi khai gui ang! Thu pyein kä a mi ng’yak ung, a i chaa yum khai gui ang! Thu ng’shäu ne pyein ci kä a om ung, a i chaa ng’yak khai gui ang!

LAMKTU 28:31

Ani naw Khanpughi ah uknak kho a mawng thu phi pyein ne, Bawipa Jesuh Khrit ah mawng phi abü ang ngaih ah thamah nak awn m’theithang gui ci.

JOHAN 6:37

Kapa naw a na ap ah chang phung cu kei ah lawk khai gui. Kei ah lawk ciah chang phung cu a u phi kä ka m’hlat ba khai.

JOHAN 4:34

Bawipa Jesuh naw, ngami-am,” Kei ah ei awk cu, na tüi lawk ciah ang yak hlü ah om vai la abi pyi ne bi vai ah kyak ci.

LUKA 9:2

Cun kawn ah Khanpughi ah uknak kho ah mawng ami pyein vai la gawpai ci gui ami gai sak vai ah mawng m’cäi ne tüi gui ci.

LUKA 8:10

Bawipa Jesuh naw, “Nangmi läi cu Khanpughi ah thuuk ne ng’kau ciah khankho ah mawng cu nami hmat pyi ci. Cun ung phi chang akda cu teng lang ne kä hmuk ci gui, ng’ya lang ne kä hmat ci gui kia sei, m’tumtäng ne m’thein gui ah kyak ci nei” cine pyein ci.

LUKA 8:1

Api a shou hta kawn ah Bawipa Jesuh cu gawnu gawhta apigaw päng ung hteit ne, Khanpughi ah uknak khaw ah mawng Thu Ni cu ng’shäu ne pyein ci.

LUKA 5:31

Bawipa Jesuh naw, “Ak gai naw seibawi kä ng’ya hlük ci, ak gaw naw vah ng’ya hlük ci.

LUKA 1:53

Cawigha ci gui-am tuihlim ci tumbei gui ne, bämang ci gui cu ami yüng ah hteh sak gui ci.

MATTHE 21:43

“Cun ah kyasei kei naw akcang ka pyein cu, Khanpughi ah uknak kho cu nangmi ungka la ba ne, düng nak awn vuipai khai ah chang gui-am pe gui khai.

MATTHE 21:31

Cun ung phi kä hteh ah om ci. Cun ah chang goi ungka a u naw ang apa ah beit ng’yak ciah a kyak kaw!” cine ng’shi gui ci. Ngami naw, “Hta vaipi naw beit yak ci nei,” cik ci gui. Bawipa Jesuh naw, “Kei naw akcang ka pyein cu, khawn look ci gui la chang hlawhlang gui cu, nangmi ah mä ma pi ne, Khanpughi ah uknak kho ah gawk khai gui nei.

MATTHE 14:14

Bawipa Jesuh naw hleiko ung a kai kawn ah chang gui cu teng gui ne m’gein gui netah gawpai ci gui cu gai sak gui ci.

ISAIAH 61:1

Uktu Bawipa naw ang mümcha awn kei cu na be sak ci. Ani naw na ghü ne na tüi ci, Dukhaih ci gui ah ma ah thu ni hteh pui vai ah, Am lung kyong she-kak ci gui gai sak vai ah, pha ne ami chum gui ah luat nak ah mawng thu ng’shäu vai ah, Thawng ung kium ci gui ah ng’pängze nak vai ah.

ROMAN 10:17

Cun ah kya sei thu ng’yak nak awn yum nak cu lawk ci, Bawi Khrit ah mawng ng’shäu ne pyein nak ung, thu cu chang naw ng’yak ci.

MATTHE 12:15

Bawipa Jesuh cu cun ah ami ng’ge ah mawng ng’yah netah, a hei lam ah hteit ba sei chang akda naw a hnu ah läk ci gui.

LUKA 9:10

Ang düihpüi gui cu law ba u ne ami bilawh gui avan cu Bawipa Jesuh-am m’thein law ba ci gui. Bawipa Jesuh naw ngami cu Bethsaida gawnu ah khü ne hteh püi gui ci.

LUKA 9:12

Khohni sip ne kho mühun law khätah, ang düihpüi gui cu Bawipa Jesuh ah law u ne, shin ah chang gui shi, pigaw gui la lo k’pyu gui yung ah ami ih om tu vai la ami ei awk tu vai ah tüih gui vai nei, shin yah cu chang ah kä om nak ah kyak ci nei” ci ne pyein ci gui.