LUKA 8:8 - Cho Bible Common Language 2016

⁸ M’shi am shah cu ng’lei k’ni ung kya law ci, cun cu akni ah ng’lih pyou ne, ghing gong ne, phia ciah vuipai m’theih tak ci” ci ne m’thein gui ci. Cun kawn ah “Ak hnga om ci naw ng’ya sä” ci ne m’lau ci.

LUKA 8:8 Referans Kwoze

MATTHE 11:15

Cun gui cu ak hnga om ci phung naw ngai ne ng’ya u sä.

THU PHLAAN 2:11

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang gui cu akhnih vei nak sihnak phiawn nak khai gui nei.

THU PHLAAN 2:7

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei. “Näng nak gah ciah chang-am Khanpughi ah chaam kyong ah phung ciah, ghin nak sing ah aktheih ei nak hning cu ka pek khai nei.

MAKUH 4:20

Chang amshah gui cu m’dek ni ung kya lawk ciah geit m’shi awn täng ci gui, ngami cu Khanpughi ah ng’thu ngai ng’ya u ne dou ci gui ah kyak ci. Ngami cu a thum-kip, ak chuk-kip, a phia ah vuipai m’theih tak ci gui” cine m’thein gui ci.

MAKUH 4:8

M’shi amshah cu am dek ah ni nak ung kya law ne, akni ah ng’lih pyo ne ghing gong ne, a thumkip, ak chuk-kip, a phia ah vuipai ne m’theih tak ci” cine m’thein gui ci.

MATTHE 13:23

M’dek ni ung kya lawk ciah m’shi ci cu, ng’thu ni cu ngai ng’ya tu ne hmuhmat ci gui ah kyak ci. Ngami cu amshah aphiaa, amshah ak chuk-kip, amshah athum-kip ah vuipai ci gui,” cine m’thein gui ci.

NG'THU K'THUUK~ 20:12

Bawipa naw hmuh nak vai ah mik la ng’yak nak vai ah hnga cu na pe gui ci.

LUKA 8:15

Ng’lei k’ni ung kya lawk ciah m’shi ci cu, Khanpughi ah ng’thu ang yak kwn ah nik ci la ng’düng ciah, m’lung khäng htek khai ah yum ne, vuipai m’theih tak ciah kyak ci.

JEREMIAH 13:15

Israel chang gui, Bawipa naw ning pyen ah gui ci nei! M’lung neim nak awn ani cu ngai vä.

NG'THU K'THUUK~ 8:1

Ngai vä! Cüivai nak cu ng’khü ci nei. Hmuhmat nak cu k’aw mah ne m’lau ci nei.

ATÜNNAK 26:12

Isaak naw cun ah khaw ung m’shi phu ci. Bawipa naw hriham pe sei a cun ah kum ung a phia ah däm khai ah khäm ba ci.

KOLOSE 1:10

Cun ah kyasei, nangmi cu Bawipa ah ng’yak hlü ah ghing u ne, ani ah yei nak vai ah nami bilo khai nei. Nami ghin nak naw ni kiom nak bäng bäng cu dang sak sei Khanpughi ung nami hmuhmat nak cu, ng’ghotai khai nei.

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

JEREMIAH 25:4

Bawipa naw a changshäm prophet gui k’täi ne ning tüih law gui sei phi nangmi naw kä nami ngai ci, a i ah kä nami sui ci.

MAKUH 4:23

Ng’yak nak vai ah hnga om ci phung naw ng’ya sä” ci ne kiak na gui ci.

MAKUH 7:16

(Ak hnga om ci naw ng’ya sä) cine pyen na gui ci.

LUKA 8:7

M’shi am shah cu ng’hling hmu ah kya lawk ci. Ang lih pyou, a ghing gong pang ung phi ng’hling naw k’düi sei kä vuipai hlawt ci.

LUKA 14:35

Lai ah hmawk ah phi bäi, m’dek ani vai ah hmawk ah phi bäi, kä mang ba phyak ci. Cun ah kyasei chang gui naw, fit ghawt düt ci gui, akhngaa om ci naw ng’ya sä” cik ci.

THU PHLAAN 3:6

“Khrithabum gui-am, Mumcha naw am thein gui cu, nami hnga a om ung ngai ne nami ng’yak vai nei!

THU PHLAAN 3:13

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei!

THU PHLAAN 13:9

Akhnga om ci phung naw ngai ne ang yak vai nei!