LUKA 8:54 - Cho Bible Common Language 2016

⁵⁴ Bawipa Jesuh naw hnumi hta ah kut cu k’pang netah,

LUKA 8:54 Referans Kwoze

JEREMIAH 31:32

Cun cu kei naw ngami Egypt ah kut ungka ka luh law püi ba gui yah ung ami pupa gui awn ka bi ah thukhäu phyim ah mäih ah kä kyak ci. Kei cu ngami ah cei ah mäih ah kya ngä sei phi, ngami naw cun ah thukhäm cu kä k’pang ci gui.

LAMKTU 9:40

Peter naw cun ah chang gui ami van k’caw ah tüi gui netah, khuuk dong ne taigü ci. Cun kawn ah gook lam ah ng’hlat netah, “Tabitha, hto vä,” cine pyein ci. Tabitha cu m’dei law ba ne, Peter cu hmu netah, hto ne ngok ci.

JOHAN 11:43

Cun kawn ah “Layaruh, tho law ba ä” cine m’lau khätah si sei amik phuh cu a kut la akho ung yawknak yih awn ng’hlawp ne,

JOHAN 5:21

Apa naw aksi m’ghin ba ne, ghin nak a peit ah mäih ah A Htapa naw phi ang yak hlü ah chang cu m’ghin ba khai.

LUKA 8:51

Bawipa Jesuh cu pum im uk ciah im ah a hteh yah ung Peter, Johan, James lacun ah ak hmaw ah nu la pa bäng kyong ah luh püi gui ci. Cun ah hnumi hta sik ci kyasei chang akda cu kyap ci gui.

MAKUH 9:27

Cun ung phi Bawipa Jesuh naw, ak hmaw cu a kut ung k’pang ne m’tho sei tho law ba ci.

MAKUH 8:23

Bawipa Jesuh naw a mik m’dauh cu a kut awn k’pang ne pigaw k’pung ah hteh püi ci. Acun ah mik cu am shi awn m’thawh netah, ak khan ah a kut taih ci. Cun kawn ah, “Tuhbäi na hmuk ci ang?” cine ng’shik ci.

MAKUH 1:31

Bawipa Jesuh naw a pei ah hteit netah, a kut ung pang ne m’tho ne gai sak sei, cun ah hnumi naw ngami cu khin chah na gui ci.

MATTHE 9:25

Bawipa Jesuh naw chang gui akpung ah tüi gui netah, kyong ah va lut ne, cun ah hnumi hta ah kut cu k’pang ne, m’hto ba khätah hnumi hta cu tho law ba ci.

ROMAN 4:17

Cun cu cacim theing ung, “Kei naw nang cu chang pakhui-van ah pa ah ka ning pyang ci nei,” cine a pyein ah mäih ah kya ci. Cun ah kya sei Khanpughi ah shaitaak cu kümbe ci. Khanpughi cu Abraham ah ngaih u, sik ciah chang gui ghin ba sak ci la, kä ng’tüi om man ci gui ng’tüi om sak ciah Khanpughi ah kyak ci.

LUKA 8:53

Hnumi hta si pyi ciah hmat ciah chang gui naw, Bawipa Jesuh cu m’lep nak ci gui.

LUKA 8:55

“Paihta, tho lawä” cik ci. Hnumi hta cu ghing law ba ne acun vai-am ng’düi lawk ci. Bawipa Jesuh naw cun ah hnumi hta-am ei ami m’bei vai ah m’cäi gui ci.