LUKA 8:48 - Cho Bible Common Language 2016

⁴⁸ Bawipa Jesuh naw, “Ka hta hnumi, na yum nak naw ning gai sak pyi ci nei, yeikyai ne hteit baä” cine pyen nak ci.

LUKA 8:48 Referans Kwoze

LUKA 7:50

Cun ung phi Bawipa Jesuh naw, cun ah hnumi-am, “Na yum nak naw ning phiawn sak pyi ci nei, yeikyai ne hteit ba ä” cine pyen nak ci.

MATTHE 9:22

Bawipa Jesuh naw ng’hlat ne va teng ne cun ah hnumi cu hmu netah, “Ka hta hnumi kä ng’ä ai ä, na yum nak naw ning gai sak pyii ci nei,” cik ci. Acun vai-am cun ah hnumi cu gai ci.

HEBRU 4:2

Cau ng’vai gui ah mäih ah mikmi naw Thuni cu mi ng’yak ci nei. Ngami naw Thuni cu ng’yak ci gui, cun ung phi ngami ah phäh ah a bäkhäk nak kä om ci. A i ah kyasei ci ung ngami naw ng’yak u ne phi yum nak awn kä ami dou ah hmawk ah kyak ci.

LAMKTU 14:9

Ani cu Paul ah ng’thu pyein ngoh ne ngai tuk ci. Paul naw ani cu kheing ne teng ne, anat nak a maih nak hlawt vai ah a yum nak a om cu hmu netah,

LUKA 17:19

Cun kawn ah ani-am, “ng’düi law ne hteit ba ä, na yum nak awn na nat nak theek pyi ci nei” cine pyen nak ci.

MAKUH 5:34

Bawipa Jesuh naw, “Kahta hnumi na yum nak naw ning gai sak pyi ci, dimdeeih nak awn hteit baä, na katnak maih yawp sä” ci ne kiak nak ci.

2 KORIN 6:18

Kei cu nangmi ah Pa, Nangmi cu kei ah hta gui, ah nami kyak khai, ci ne m’gäi pi ciah Khanpughi naw pyein ci” ciah khän ne pyein ci.

LUKA 18:42

Bawipa Jesuh naw, “Na mik m’dei sä, na yum nak naw, na mik ning m’dei sak pyi ci nei” ci nak ci.

MATTHE 8:13

Cun kawn ah Bawipa Jesuh naw, gabawi-am, “Na im ah hteit ba ä, na yum ah mäih ah kyak khai nei,” cine pyen nak ci. Acun yah ung gabawi ah chang cu gai ba pyii ci.

1 SAMUEL 1:17

Eli naw, “Dimdeeih nak awn hteit ä, nang naw na k’thäh cu Israel Khanpughi naw ning pe sä,” cine m’shang ci.

PHYAWN NAK 4:18

Cun kawn ah Moses cu akawi Jethro ah hteit ba neta ani am, “Egypt khaw ah ka mätyah gui ah ka hteit ba hlük ci, ami ghin yah ung ka hmu ba hlü gui ci nei” cik ci. Jethro naw yum ne hteh ba sak ci.

MATTHE 12:20

Ani naw ak thagui kä om cicu k’dükdawm ne, a yi-hnei vai kä om cicu chimgein khai. Ani cu düng nak awn näng nak ung khüt khai ah bi bik khai.

MATTHE 9:2

Cun yah ung chang gui naw akshum tumat kawt ne law püi ci gui. Bawipa Jesuh naw cun ah chang gui ah yum nak cu hmu netah, shum ciah chang-am, “Kahta, kä na ng’ä vai, na katnak cu ning k’phiawn pyii nei,” cik ci.

2 GHANGPUGHANG GUI 5:19

Elisha naw, “Dimdeeih sei hteit ba ä” cisei Naaman cu hteit ba ci. Ani akshou nu ah kä ah hteh ba pha ung,

LUKA 8:47

Cun ah hnumi cu ani naw a tawk hmat law khätah Bawipa Jesuh ah ma ah law ne kawp ci. Cun kawn ah a i ah kyasei Bawipa Jesuh atawk ah mawng la atawk vai-am a gaw nak a maih ah mawng cu chang gui ah ng’yak tu ah pyein ci.