LUKA 8:47 - Cho Bible Common Language 2016

⁴⁷ Cun ah hnumi cu ani naw a tawk hmat law khätah Bawipa Jesuh ah ma ah law ne kawp ci. Cun kawn ah a i ah kyasei Bawipa Jesuh atawk ah mawng la atawk vai-am a gaw nak a maih ah mawng cu chang gui ah ng’yak tu ah pyein ci.

LUKA 8:47 Referans Kwoze

MAKUH 5:33

A suinu tawn ciah hnumi cu amät ah gai ah mawng hmat netah, ng’khlet ne kyi ne, ama ah law ne kawp netah, amawng avan akcang cu m’thein yawp ci.

2 KORIN 7:15

Ani ah ng’thu ngai ghet khai ah nami om la, ani kyih aa ne nami na dou ah mawng cu, ani naw shüm ba netah, nangmi cu ning m’hni law gui pi ci nei.

HEBRU 12:28

Mikmi cu kä thüng hlawt ciah uknak kho mi gah pyii ciah kia sei, Khanpughi mi m’hlüngtai khai nei. Mikmi naw kyih aa nak la m’tamkhah nak awn, Khanpughi cu mi khawihnah khai nei.

1 KORIN 2:3

Cun ah kya sei kei cu nangmi ah ka law yah ung ka k’tha ken sei, kyikyawk ne,

SAM 2:11

Bawipa cu kyih ne a khuut bi vä; Ng’hlet ne a ma ah kawp vä;

LAMKTU 16:29

Thawng ngäng cu mei m’däi ne dawng ne lut law netah, ng’khlet ne Paul la Silas ah kho pei ah kaup ci.

1 SAMUEL 16:4

Bawipa naw bi vai ah am thein ah mäih ah Samuel naw bik neta, Bethlehem ah hteit ci, a cu ah mang gaw ng’vai gui cu, hteit ne law ne, hmu law u neta, “Shin cu dimdeeih nak awn na om law tuk ci ma, mikhmu?” cik ci gui.

HABAKKUK 3:16

A cun gui ng’ya neta kei cu ka ng’hlet ci; ka kyih su ah ka m’nei phi ng’haam ci, ka pumsa phi ng’yai ci. Ka mät ah kaa ah ka khaw ka m’thuih ci. Gawk lawk khai ah akhin cu kei naw düm ah ka ngäng khai, cun cu na ng’tuk püi gui ci cu Khanpughi naw am kyuk nak gui ah kyak khai.

ISAIAH 66:2

kei ka mät naw khopuui avan cuka tüisho nei! Am lung neim sak ne, ng’yu vat ba ne, kei na kyih aa ne, na läk ci gui ah khan ah ka yeikyai ci nei.

SAM 38:9

O Bawipa, kei ah ka ng’ya hlü avan cu nang naw na hmat ci; Kei ah ka ng’hlaw ng’ei phi avan na ng’yak ci.

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

MATTHE 28:8

Cun ah hnumi gui cu ami kyihkyawk pang ung phi ang htei ah yeikyai u ne, acun gui cu ang düihpüi gui-am m’thein ba khai gui ah dawng ba ci gui.

HOSEA 13:1

Cau läi, Ephraim pakhui gui naw ng’thu ami pyen ung ahei Israel pakhui gui naw kyih ci gui. Ngami naw Ephraim cu han dan ci gui. Cun ung phi cun ah chang gui naw Baal khawihnah u ne kat nak ami bi ah phäh ah ngami cu sik khai gui.

HOSEA 5:3

Israel a i ah mäih ami law cu kei naw ka hmat ci — ani cu kei ungka kä ng’thup hlawt khai. Ani cu kä bekhüt ci, Ani ah chang gui cu kei na khawihnah khai ah kä khin kha ci gui.”

SAM 66:16

Khanpughi m’kümto ciah chang gui, law ne ngai law vä, kei ah hmawk ah abi gui cu ka ning m’thein gui khai nei.

LUKA 8:46

Cun ung phi Bawipa Jesuh naw, “Chang tumat naw kei na tawk ci nei, kei ung ka hlüngtai nak aluh law ka hmat ci nei” ci ne pyein ci

LUKA 8:48

Bawipa Jesuh naw, “Ka hta hnumi, na yum nak naw ning gai sak pyi ci nei, yeikyai ne hteit baä” cine pyen nak ci.