LUKA 8:46 - Cho Bible Common Language 2016

⁴⁶ Cun ung phi Bawipa Jesuh naw, “Chang tumat naw kei na tawk ci nei, kei ung ka hlüngtai nak aluh law ka hmat ci nei” ci ne pyein ci

LUKA 8:46 Referans Kwoze

LUKA 6:19

Bawipa Jesuh ungka hlüngtai nak naw chang khli gai sak khätah, chang gui naw Bawipa Jesuh ami tawn tu hning vai ah k’tha nak ci gui.

LUKA 5:17

Kho hnüüp ät ung Bawipa Jesuh naw am theithang gui yah ung, Kalile, Judah la Jerusalem khaw, pigaw päng ungka lawk ciah Pharisee gui la tuhkhän saya gui cu ngo tuk ci gui. Ak gaw a gai sak nak ah Khanpughi ah huham cu Bawipa Jesuh ung om ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

LUKA 8:47

Cun ah hnumi cu ani naw a tawk hmat law khätah Bawipa Jesuh ah ma ah law ne kawp ci. Cun kawn ah a i ah kyasei Bawipa Jesuh atawk ah mawng la atawk vai-am a gaw nak a maih ah mawng cu chang gui ah ng’yak tu ah pyein ci.