LUKA 8:44 - Cho Bible Common Language 2016

⁴⁴ Cun ah hnumi cu Bawipa Jesuh ah a hnu ah law netah, ayih sui ah a pyai hta tawk khätah, acun vai-am asi ng’chawt cicu ng’düm ci.

LUKA 8:44 Referans Kwoze

THULÄÄN NAK 22:12

“Na sui ah akit phli ung pa pai gui chui ne na pyan vai.

LAMKTU 19:12

Chang gui naw Paul ah bi ah yih la Tampu gui pang cu ak gaw gui la khoshe ah kai gui ah om nak ah, ami hteh püi ah a kyak ung, nat nak gui cu maih ne, chang kai ciah khoshe gui cu dawng ci gui.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

JOHAN 5:13

Cun ung phi cun yah ah chang akda om ci gui ah kya ne, Bawipa Jesuh abü ah hteit tei ba sei, ani gai ba sak cicu a u bä ah kä hmat ba ci.

LUKA 13:13

ak khan ah a kut taih sei, ani cu acun vai-am ak khei yäih ba sei gai ba ne, Khanpughi m’hlüngtai ci.

LUKA 7:38

Ang phli tui gui cu Bawipa Jesuh ah kho khan ah yu hteu khätah, alu sam awn ghu ba ci. Cun kawn ah a khaw cu ng’ui netah tuing’ui awn hluk pek ci.

MAKUH 6:56

Bawipa Jesuh a hteh nak vai ah gawnu gui, lo gui la lam gui nüng ung ak gaw gui cu m’shän gui ci gui. A suinu ah pyai mawng hta pang ami tawn tu hlawt vai ah ng’coipa ne ng’yoi ci gui. Va tawn tu hta hlawt ciah chang phung cu ang ghit ah gai ci gui.

MATTHE 20:34

Bawipa Jesuh naw, ngani cu m’gein goi netah, ani mik cu a kut awn tawk goi ci. Ngani cu acun vai-am ani mik m’dei law sei, Bawipa Jesuh ah hnu ah läk tuk ci goi.

MATTHE 8:3

Bawipa Jesuh naw a kut k’phiaat ne hei tawn netah, “Ka ng’yak hlü om ci nei, theingthap sä,” cik ci. Acun vai-am cun ah chang cu theek ne gai ba ci.

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

LAMKTU 5:15

Chang gui naw gaw pai ci gui cu law püi ci gui. Peter a hteh yah ung apü püi naw baw tah ang’hnim vai ah phak ni, kawh nak gui ni awn lam ung m’shäm ci gui.

MATTHE 9:20

Kho kum gha-lei-goi ung asi ng’chawt sei gaw ciah hnumi tumat cu, Bawipa Jesuh ah hnu ah hei k’et netah,

LUKA 8:43

Cun gui ah ng’lung ah kho kum gha-lei-goi ung asi ng’chawt sei gaw ciah hnumi tumat om ci. Amät ung om ciah ngui ghui avan ng’pyi khai ah sei saya akda ghüh ne ng’pün ne phi kä gai ba ci.

LUKA 8:45

Bawipa Jesuh naw, “A u ang na tawk ci” cine ng’shi gui ci. Chang gui naw, “Kä ka mi ning tawk ci nei” ci ne pyein u khätah, Peter la a paw gui naw, “Bawipa, chang akda naw ning hnet ne hteit ci gui maw a u ang na tawk ci, cine a i ah kyasei na pyein ang?” cik ci gui.