LUKA 8:39 - Cho Bible Common Language 2016

³⁹ Cun ung phi Bawipa Jesuh naw, “Na im ah hteit ba ne, Khanpughi ah m’gein nak na gah ah mawng cu m’thein tu gui ä” ci nak ci. Cun ah chang naw pigaw avan ung hteit ne ani ah khan ah Bawipa Jesuh naw abi ah mawng cu yei ne ngak ci.

LUKA 8:39 Referans Kwoze

1 TIMOTHI 5:8

A paw chang, ak tung pi ah ak kyongkhui chang kä m’hteihtang ci cu, yum nak hnu nak ciah kya ne, kä yum ciah mä sheka tuba ci nei.

JOHAN 4:29

“Kei ah ka om ih phung avan pyein hning ciah chang lawk ci nei, law ne teng law tu vä, ani cu Messiah ah kyak khai nei,” cik ne m’thein gui ci.

THULÄÄN NAK 10:21

Ani cu m’taam vä. Ani cu nami Khanpughi nei. Ani naw nangmi ah hmawk ah abi ah dämduh ne cäicat vai kyak ci gui cu nangmi naw nami mik awn nami hmu pyi ci nei.

MAKUH 1:45

Cun ah chang cu hteit ba netah, a theek gai ah mawng cu van-am m’thein ne ngak ci. Cun ah a mawng cu chang van naw yat sei, ng’ya pyi ciah kyasei, Bawipa Jesuh cu a i pigaw ah phi akdei ang dang ah kä hteit hlawt ci. Ang thuh nak pigaw k’pung lam ah hteit ne om ci ci. Cun ung phi apigaw päng ungka chang akda cu a om nak ah gawk lawk ci gui.

SAM 66:16

Khanpughi m’kümto ciah chang gui, law ne ngai law vä, kei ah hmawk ah abi gui cu ka ning m’thein gui khai nei.

MAKUH 5:18

Bawipa Jesuh cu hleiko ung a hang kai vü ba yah ung, khoshe ah kai te ah chang naw, a hnu ah läk tuk khai ah pyein ne ng’yoi ci.

MAKUH 5:19

Bawipa Jesuh naw maa nah netah, “Na im ah hteit ba ne, Khanpughi naw nang ah khan ah a i hlawk ah bi abi ah mawng la nang a ning m’gein ah mawng cu nak kyong ungka gui-am m’thein tu ba gui ä” ci ne pyen nak ci.

LUKA 8:38

Khoshe phiawn nak ciah chang naw Bawipa a hnu ah läk tuk khai ah pyein lawk ci.

LUKA 8:40

Bawipa Jesuh cu tuili vang gaa ah gawk law ba khätah ana ging ciah chang gui naw, ana dou ci gui.