LUKA 8:38 - Cho Bible Common Language 2016

³⁸ Khoshe phiawn nak ciah chang naw Bawipa a hnu ah läk tuk khai ah pyein lawk ci.

LUKA 8:38 Referans Kwoze

PHILIPPIAN 1:23

Kei naw hnih ah ka ngaih nak om ci, kei cu shih ah ghin nak nawng shüt ne Bawi Khrit ung ang htei ah ka om hlük ci, cun cu kei ah hmawk ah bä pi ci.

LUKA 8:37

Cun ah kho ung chang gui cu ang htei ah kyikyawk u netah Bawipa Jesuh cu akyang ah a hei ah a hteh vai ah pyein u sei, Bawipa Jesuh cu hleiko ung kai ba ne a hei ah hteit ba ci.

LUKA 8:28

Ani naw Bawipa Jesuh cu hmu netah, kyap ne m’lau ne m’khuukdong ne, “Hlüngtai pi säih ciah Khanpughi ah Htapa, Jesuh Bawi! Kei cu a i hawkcha ah ang na na kyak sak hlü? Kei kä na sheit kat-en sak kä bäi” cine ng’paa nak ci.

SAM 116:16

Bawipa, kei cu na changshäm ah ka kyak ci nei; kanu ah bi ah mäih ah kei naw na bi ka bik ci nei. Nang naw sih nak ungka na na hun pyi ci nei.

SAM 116:12

Kei ah khan ah ani nak gui ah phäh ah, Bawipa cu a i ka pek khai aw?

SAM 32:7

Nang cu ka ng’thuh nak ah na kyak ci; Nang naw khüikhai nak ung na na hun khai; Na hun nak ah mawng m’lau ne ng’äi ka m’cu khai, cun cu na na shungvong ah hmawk ah kyak ci.

SAM 27:4

Kei naw a mawng tumat Bawipa ah ka ng’zoi ci, Tumat bäng ka ng’yak hlü ah kyak ci: Cun cu Bawipa ah im ung ghin ah chuih ka om vai la ani nak ung cäicat ne, alam shüm nak ka hmuh vai ah kyak ci.

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.

LUKA 8:39

Cun ung phi Bawipa Jesuh naw, “Na im ah hteit ba ne, Khanpughi ah m’gein nak na gah ah mawng cu m’thein tu gui ä” ci nak ci. Cun ah chang naw pigaw avan ung hteit ne ani ah khan ah Bawipa Jesuh naw abi ah mawng cu yei ne ngak ci.