LUKA 8:32 - Cho Bible Common Language 2016

³² Cun yah ung vawk mak ät cu kho gui ng’nawi yung ah lum ci gui. Khoshe gui naw vawk gui ung ami luh hning vai ah Bawipa Jesuh ah ng’cawi ng’pa ci gui.

LUKA 8:32 Referans Kwoze

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.

ISAIAH 65:4

Ngami cu khomü ah khuügui, ng’phuh hmun gui ah hteit ne, aksi gui mum cha gui cu ng’ge ng’pai püi ci gui. Ngami cu vawksa ei u ne, khongyo am khawihnah douthakah meh tui ca awk ci gui.

THU PHLAAN 20:7

Khokum phiaa ghaa ang pyi kawn ah Satan cu lut law ba netah;

1 JOHAN 4:4

Cun ung phi ka hta nau gui aw, nangmi cu Khanpughi ung nami khäng ci kya ne, thuvi ciah profet gui cu nami näng ci nei, a i ah kyasei ci ung nangmi ung om ciah Mumcha cu khomdek chang gui ung om ciah mümcha ah mä hlüngtai ba pi ci.

JOHAN 19:11

Bawipa Jesuh naw, “Kei ah khan ah cun ah na bi nak hning vai cu, Khanpughi ah ning peit ah kyak ci. Nang ah kut ung kei na ap lawk ciah chang cu a katnak däm pi ci” cine pyen nak ci.

SAM 62:11

Hnü ät bäng ah kä kyak ciah ka ng’yak cu, Khanpughi naw, “Huham cu ani ah ka ah kyak ci.”

JOB 2:6

Cun ah kyasei Bawipa naw Satan cu pyen nak ci, “Ä ya! ani cu nang ah huham kyong ung om ci nei, cun ung phi kä na ngawn en vai nei,” cik ci.

JOB 1:12

Bawipa naw Satan a pyen nak ba cu; “Ä ya, ani ung om ci nü cu, nang ah huham ung ka ning ap ci, Cun ung phi Joba amät cu kä na nat sak en vai,” ci nak ci, cun ah kyasei Satan cu hteit ci.

JOB 1:10

Nang naw ami mät a k’phlüt ah na shungvong ci nei, Abi phung cu nang naw phyuhtheh pe ne khopäng avan ung be khai ah sei m’na gui na pek ci nei.

1 GHANGPUGHANG GUI 22:22

Bawipa naw, “A i hawcha ah ang?” ci sei; Mümcha naw m’shang ne, “Kei naw hteit ne, Ahab ah prophet gui avan cu hleei ne ka m’thein gui khai nei” cik ci. Bawipa naw “Hteit ne ani m’hleei ä, na näng khai nei” cik ci.

TAIGÜTHUM 11:7

Vawk kä nami ei vai. Vawk cu kä theingcim ci, vawk cu a khawpaw ng’kye ci, cung phi ei kä m’däuh ci,

MATTHE 7:6

‘Ak theingcim cu ui gui-am kä nami peit vai, cuh ah nami peit ung ng’hlat law ba ne ning htui gui khai. Ghui k’cünglung cu vawk gui ah ma ah kä nami m’shän vai, nami m’shän ung ami kho awn leh ne kai na khai gui.

LUKA 8:31

Khoshe gui naw, “Keimi cu m’htei lung khui ung kami gawk khai ah kä na k’täm men gui ä” cine ng’cawi ng’paa nak ci gui.

LUKA 8:33

Bawipa Jesuh naw ä ya pe gui sei, chang ungka lut law ne vawk gui ung lut ci gui. Acun vai-am vawk gui cu tui kam keing ung ng’hlü ne dawng u ne, tuili ung lut yawp ci gui.