LUKA 8:30 - Cho Bible Common Language 2016

³⁰ Bawipa Jesuh naw, “Na ng’ming a u ang?” cine ng’shik ci. Ani naw, “Kei ka ming cu Mob nei” cik ci. Ani cu khoshe akda naw a kai ah kyasei cun ah a pyein ah kyak ci.

LUKA 8:30 Referans Kwoze

MATTHE 26:53

Kei naw kapa ah kang yoih ah a kyak ung Kapa naw ga-mo mawng gha-lei-goi ah däm ciah khankho chang gui cu, tüi lawk khai ci cu, kä nami hmat ci maa?

LUKA 8:2

Ang düihpüi gha-lei-goi cun phi ani awn a täng ah hteit tuk ci gui. Khoshe ah kai gui la nat nak ungka ak phiawn gui ah hnumi gui cun phi Bawipa Jesuh cu läk tuk ci gui. Cun gui cu; Ng’yo pachih naw a om nak man te phiawn nak gah ciah Mari Makdalen;

MAKUH 16:9

Ng’len hnüüp khongawi htasiik ah Bawipa Jesuh cu sih nak ungka a thawh ba kawn ah Mari Makdalene ah ma ah ng’dang ba ma ci. Ani cu khoshe pachih naw kai sei Bawipa Jesuh naw ak täm peit te ah chang ah kyak ci. Hnumi gui cu Peter la apaw gui ah om nak ah hteit u netah, ami hmuh ng’yak gui phung cu avan m’thein gui ci gui.

MATTHE 8:29

Ngahni naw, “Khanpughi ah Htapa, Bawipa, nang naw keini cu a i ah na na ci goi hlük ci ang? Akhin kä gawk law pha sei keini cu, na nam kat goi khai ah na lawk ci ma?” cine m’lau ci goi.

MAKUH 5:9

Cun kawn ah Bawipa Jesuh naw, “Nang ming a u ang” cine ng’shik ci. Cun ah chang naw, “Kei ka ming cu Mob nei, keimi cu ang htei ah kami da aih ci nei,” cine m’thein netah;

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.

LUKA 8:29

Cun ah a pyein cu Bawipa Jesuh naw ani ung om ciah khoshe a dawng vai ah aktäm ah hmawk ah kyak ci. Ani cu khoshe naw akda vei a kai man ah kyak ci. Ani cu a kut khaw avan m’si gui awn khit ne ami k’pawn ung phi, m’si gui kaih pit pit ne khoshe ah khah püi nak, bung puk ah hteit ci man ciah kyak ci.