LUKA 8:28 - Cho Bible Common Language 2016

²⁸ Ani naw Bawipa Jesuh cu hmu netah, kyap ne m’lau ne m’khuukdong ne, “Hlüngtai pi säih ciah Khanpughi ah Htapa, Jesuh Bawi! Kei cu a i hawkcha ah ang na na kyak sak hlü? Kei kä na sheit kat-en sak kä bäi” cine ng’paa nak ci.

LUKA 8:28 Referans Kwoze

MATTHE 8:29

Ngahni naw, “Khanpughi ah Htapa, Bawipa, nang naw keini cu a i ah na na ci goi hlük ci ang? Akhin kä gawk law pha sei keini cu, na nam kat goi khai ah na lawk ci ma?” cine m’lau ci goi.

2 PETER 2:4

Khanpughi naw cheishoh ciah khanchang gui phi käm düm gui ci, ngahmi cu m’hteikho ah yuk chah gui ne, M’khoichaa nak ah Hnüüp güt m’si gui awn k’pawng gui ci.

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

1 JOHAN 3:8

Cheishoh nak bi lä ciah chang cu Khoshe ah paw ah kyak ci, a i ah kyasei ci ung Khoshe cu ak htük ge ung cheishoh ciah kyak ci. Khanpughi ah Htapa a kyum law nak ah a mawng cu, Khoshe ah bilawh phung m’di ne m’siu vai ah kyak ci.

JAMES 2:19

Khanpughi tumat bäng om ciah nami yum ci, bä ci! Khoshe gui naw phi acun ah yum ne, kyi ne ng’khlet ci gui.

ISAIAH 27:1

Cun ah hnüüp ung Bawipa naw huhem mah ne sihnak ah khim cu mang ne leviathan k’phhynu cu m’kyuk khai, cun cu ng’ten ne ng’vet ciah k’phyu ng’hlui ah kya ci, ani naw tuinu ung om ciah phyucung cu ngawn khai.

LUKA 8:27

Tui kem ah ami va gawk vai-am pigaw ah kaa chang tumat cu Bawipa Jesuh ah om nak ah lawk ci. Ani cu khoshe naw a kai shou law pyi ci kya ne, im ah phi kä om ba ne, ng’cim hmun yung ah ak plui tawn ah om ci.

LUKA 8:29

Cun ah a pyein cu Bawipa Jesuh naw ani ung om ciah khoshe a dawng vai ah aktäm ah hmawk ah kyak ci. Ani cu khoshe naw akda vei a kai man ah kyak ci. Ani cu a kut khaw avan m’si gui awn khit ne ami k’pawn ung phi, m’si gui kaih pit pit ne khoshe ah khah püi nak, bung puk ah hteit ci man ciah kyak ci.