LUKA 8:27 - Cho Bible Common Language 2016

²⁷ Tui kem ah ami va gawk vai-am pigaw ah kaa chang tumat cu Bawipa Jesuh ah om nak ah lawk ci. Ani cu khoshe naw a kai shou law pyi ci kya ne, im ah phi kä om ba ne, ng’cim hmun yung ah ak plui tawn ah om ci.

LUKA 8:27 Referans Kwoze

1 SAMUEL 19:24

Ani naw a sui gui sut ne Samuel ah ma ah ng’lam ne m’lau ci, hnüüp pum, mü pum ung ak plui ah ng’yän ci. (Cun ah kyasei cun ung tün ciah thu thuk ci, “Saul mä prophet ah kya tu ne ma?”) ciah om lawk ci.

KHEI NAK 19:16

Ami ngawn ah ng’saisi, kä cun ung, amät sik ciah chang, käcung, dim si baw tawn ciah chang, aksi ah guh, cimhmun tawn ciah chang cu hnüüp chih ung kä theingthap ci.

ISAIAH 65:4

Ngami cu khomü ah khuügui, ng’phuh hmun gui ah hteit ne, aksi gui mum cha gui cu ng’ge ng’pai püi ci gui. Ngami cu vawksa ei u ne, khongyo am khawihnah douthakah meh tui ca awk ci gui.

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.

MAKUH 5:15

Chang gui cu Bawipa Jesuh ah pei ah ami gawk law ung, khoshe ah kai te ah Mob cu, akni ah ng’sui ng’sak ne, chang k’ni ah kya ne ngoh sei hmu u netah, kyikyawk ci gui.

LUKA 8:26

Bawipa Jesuh la ang düihpüi gui cu Kalile kho hei ga, Kerasa gawnu ah va kai ci gui.

LUKA 8:28

Ani naw Bawipa Jesuh cu hmu netah, kyap ne m’lau ne m’khuukdong ne, “Hlüngtai pi säih ciah Khanpughi ah Htapa, Jesuh Bawi! Kei cu a i hawkcha ah ang na na kyak sak hlü? Kei kä na sheit kat-en sak kä bäi” cine ng’paa nak ci.