LUKA 8:24 - Cho Bible Common Language 2016

²⁴ Ang düihpüi gui naw Bawipa Jesuh cu m’tho ba u ne, “Bawipa, kami si lawk khai kyak ci nei” cine m’lau ci gui. A ih nak ungka tho law ba netah, Bawipa Jesuh naw kho khi la tui ng’hmawk cu ng’düm sak ci, kho khi ng’düm ne tui hnawk pyei ci.

LUKA 8:24 Referans Kwoze

LUKA 4:39

Bawipa Jesuh naw akgaw ah pei ah hteit netah, gawnak cu k’taap ge ne k’täm ci. Gaw nak maih sei, acun vai-am ani cu tho law ba ne, ngami cu khin na gui ci.

LUKA 5:5

Simon naw, “Bawipa, Keimi amü pum ng’vai vawi ne nga kä ka mi phak ci nei, cun ung phi na na vawih sak gui ung kami vawi shüm khai nei” cik ci.

NAHUM 1:4

Ani naw tuinu taam sei kawi ci! ani naw tuilawng gui kawi sak ci Bashan khawbung chawng ci. Karmela khomhtung ng’haam ci. Lebanon ah cheipai gui ng’yai ci gui.

SAM 65:7

Nang naw tuinu gaai ne ng’hnawk ci phi na ng’düm sak ci, chang gui ah m’lau ne m’gäi nak phi na dim sak ci.

MATTHE 14:30

Cun ung phi kho akhi law hmu netah, cäicat ne tui ung yu hnim vü netah, “Bawipa aw, na khui ei tu ba ä,” cine m’lau ci.

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

ISAIAH 50:2

“Kei naw ngami ka hun gui khai ah ka hteh shi gui yah ung, a i ah kyasei kä ami na m’shan ang? Kei naw ka khü gui yah ung a i ah kyasei kä ami äi ang? Ngami ka hun nak gui vai ah kei ung thai gui ken aih ne ang? Kei naw ka thumkhän awn tuinu cu ka kawi sak hning ci, tuinu lawng cu khong’gau ah ka kyak sak hning ci, cun ah kya ne tui lawng ung tui kä om sei nga gui sik ci gui.

MATTHE 8:25

Ang düihpüi gui naw Bawipa Jesuh cu m’tho u netah, “Bawipa na hun gui ä, kami si lawk khai kyak ci nei,” cine pyein ci gui.

MAKUH 4:39

Bawipa Jesuh cu tho ne ng’düi law netah, “Khokhi aw ng’düm ä, tui hnawk aw kyeim ä” cine khämtam ne pyein ci. Acun vai-am kho khi cu ng’düm ne, tui hnawk cun phi kyeim ci.

LUKA 4:35

Bawipa Jesuh naw khoshe cu huuttaap ge ne, “Khoshe, kä chawkchek ne, shin ah chang ungka lut law ne, a hei ah hteit ä” cine k’täm ci. Acun vai-am, ami ma ge ung khoshe cu, chang a i ah phi kä plawh kheih shüt ah lut law ne dawng ci.

LUKA 8:25

Bawipa Jesuh naw, “A hawi ang nami yum nak?” ci ne ang düihpüi gui cu pyen na gui ci. Ang düihpüi gui cu cäicat kyikyawk u netah, “Shin ah chang cu a u ang? Kho khi la tui hnawk naw ani ah ng’thu ngai ci gui nei” ci ne ami mät ng’htau ci gui.