LUKA 8:23 - Cho Bible Common Language 2016

²³ Hleiko awn cun ah ami vang kah vü sang ung Bawipa Jesuh cu ip ci. Cun yah ung tuili khan ah puikho khi ne ng’pheet law sei, ami hleiko ung tui be law hmet hmet ci. Ngami cu tui ung lut ne di lawk khai gui ah kya lawk ci.

LUKA 8:23 Referans Kwoze

LUKA 8:22

Kho hnüüp ät ung Bawipa Jesuh cu ang düihpüi gui awn Hleiko ung ng’cum unetah “Tuili hei gaa ah mi va kai khai nei” ci sei, va pawng vük ci gui.

ISAIAH 54:11

Bawipa naw pyen ci, “O, Jerusalem, na yaica ci, m’htei khai kä om ciah mang gaw, nang ning shungvong khai kä om ci nei, kei naw nang ah kho ng’nei cu k’pyülung awn ka co ba khai nei.

SAM 148:8

Lailäp la gäi lung, khüi toi la kho ng’mei, puikho khi avan a thumkhän ngai ci gui naw.

SAM 44:23

Ng’shüm law ä, Bawipa! A i ah kyasei na ih ang? Tho law ä! Keimi cu kä na hnu en na gui lä ä.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

LUKA 5:1

Kho hnüüp ät ung Bawipa Jesuh cu Kennesaret tuili kem ah ang düih yah ung Khanpughi ah ang thu ngai khai gui ah gawk lawk ci gui.

LAMKTU 27:2

Keimi cu Asia kho tuinu kem, pigaw päng ung hteit khai ah, Adramyttium ah kaa lawk ciah htinpaw ung kai tuk u ne, k’täi ne kami hteit ci. Thessalonika ah kaa Macedonia chang, Arista kas cun phi keimi awn kami ng’gui ci.

1 KORIN 15:30

A i ah kyasei mikmi mä a khin päng sei, kyihkyawk vai mi bui aut laih laih ang?