LUKA 8:22 - Cho Bible Common Language 2016

²² Kho hnüüp ät ung Bawipa Jesuh cu ang düihpüi gui awn Hleiko ung ng’cum unetah “Tuili hei gaa ah mi va kai khai nei” ci sei, va pawng vük ci gui.

LUKA 8:22 Referans Kwoze

MAKUH 6:45

Cun kawn ah Bawipa Jesuh naw chang gui cu ami im ah tüi ba gui netah, acun vai-am ang düihpüi gui cu hleiko ung kai ba sak gui ne, tuili ah vang ga Bethsaida ah heik hma ba gui ci.

LUKA 8:23

Hleiko awn cun ah ami vang kah vü sang ung Bawipa Jesuh cu ip ci. Cun yah ung tuili khan ah puikho khi ne ng’pheet law sei, ami hleiko ung tui be law hmet hmet ci. Ngami cu tui ung lut ne di lawk khai gui ah kya lawk ci.

LUKA 5:1

Kho hnüüp ät ung Bawipa Jesuh cu Kennesaret tuili kem ah ang düih yah ung Khanpughi ah ang thu ngai khai gui ah gawk lawk ci gui.

MAKUH 8:13

Bawipa Jesuh cu cun ungka ng’düi law ba ne, hleiko ung kai ba netah, tuili vangtäng ga ah vang kat vü ba ci.

MATTHE 14:22

Cun kawn ah Bawipa Jesuh naw chang gui cu ami im ah tüi ba gui netah, ang düihpüi gui cu hleiko ung kai sak gui ne, tuili vangtäng ga ah vang kah sak gui ci.

JOHAN 6:1

Cun kawn ah Bawipa Jesuh cu Kalile tuili (Tiperih tuili) hei ga lam ah vang kat ci.

MAKUH 5:21

Bawipa Jesuh cu hleiko awn tuili vang ga ah vang kat ba khätah, chang gui akda cu a pei ah law ne ng’bum lawk ci gui.

MATTHE 8:18

Bawipa Jesuh naw a pei ung ah om ciah chang gui teng gui netah, tuili nu hei gaa ah vah kai vai ah, ang düihpüi gui cu khü gui ci.

LUKA 8:33

Bawipa Jesuh naw ä ya pe gui sei, chang ungka lut law ne vawk gui ung lut ci gui. Acun vai-am vawk gui cu tui kam keing ung ng’hlü ne dawng u ne, tuili ung lut yawp ci gui.

LAMKTU 27:2

Keimi cu Asia kho tuinu kem, pigaw päng ung hteit khai ah, Adramyttium ah kaa lawk ciah htinpaw ung kai tuk u ne, k’täi ne kami hteit ci. Thessalonika ah kaa Macedonia chang, Arista kas cun phi keimi awn kami ng’gui ci.