LUKA 8:2 - Cho Bible Common Language 2016

² Ang düihpüi gha-lei-goi cun phi ani awn a täng ah hteit tuk ci gui. Khoshe ah kai gui la nat nak ungka ak phiawn gui ah hnumi gui cun phi Bawipa Jesuh cu läk tuk ci gui. Cun gui cu; Ng’yo pachih naw a om nak man te phiawn nak gah ciah Mari Makdalen;

LUKA 8:2 Referans Kwoze

MAKUH 16:9

Ng’len hnüüp khongawi htasiik ah Bawipa Jesuh cu sih nak ungka a thawh ba kawn ah Mari Makdalene ah ma ah ng’dang ba ma ci. Ani cu khoshe pachih naw kai sei Bawipa Jesuh naw ak täm peit te ah chang ah kyak ci. Hnumi gui cu Peter la apaw gui ah om nak ah hteit u netah, ami hmuh ng’yak gui phung cu avan m’thein gui ci gui.

JOHAN 19:25

Cun yah ung Bawipa Jesuh ah anu la anu ah anau ni, Clopas ah k’chu Mari la Mari Makdalin ni gui cu Bawipa Jesuh ah kutlamtung pei ah ng’düi ci gui.

LAMKTU 1:14

Ngah mi cu Bawipa Jesuh ah anu Mary lah a hei hnu mi gui ni, a naü gui ni, ashäng shäng a täng ah ng’bum ne k’tai gü ci ci gui.

LUKA 23:55

Kalile ah kaa Bawipa läk lawk ciah hnumi gui cun phi hteit ne m’cim tu u ne,

LUKA 23:49

Kalile ah kaa law tuk ci gui ah Bawipa läk lawk ci gui ah hnumi gui la Bawipa hmat ciah chang gui cu ang shawng ah ng’düi u netah, Bawipa Jesuh cu teng ci gui.

LUKA 23:27

Chang gui akda naw a hnu ah läk lawk ci gui. Hnumi gui amshah gui cu ami ng’kyang k’beeih ne kyap ne läk law tuk ci gui.

LUKA 8:30

Bawipa Jesuh naw, “Na ng’ming a u ang?” cine ng’shik ci. Ani naw, “Kei ka ming cu Mob nei” cik ci. Ani cu khoshe akda naw a kai ah kyasei cun ah a pyein ah kyak ci.

MAKUH 16:1

Kyin nak hnüüp ang pyi kawn ah Mari Makdalene la, James ah nu Mari ni, Salome ni gui cu Bawipa Jesuh ah a gook hluk nak vai ah tui ng’ui khleih ci gui.

MATTHE 4:24

Bawipa Jesuh ah mawng cu Siria kho avan ung thang law khätah, chang gui naw khoshe ah kai gui, mangtak ci gui, a kut kho shum ci gui la agü a hlü ah gawpai ciah chang gui cu a om nak ah law püi ci gui. Bawipa Jesuh naw cun gui ami van gai sak gui ci.