LUKA 8:18 - Cho Bible Common Language 2016

¹⁸ Cun ah kyasei nami ngaih ng’yak cu geing na vä, om ciah kaa län ne k’be ba khai, kä om ciah kaa, a taak hta phung avan lak pek khai” cine pyein ci.

LUKA 8:18 Referans Kwoze

MATTHE 13:12

Khawh tak ciah chang cu k’be ba mä sei da law pi khai, khawh kä tak ciah chang cu ak om hta phi lak pe yawp khai.

LUKA 19:26

Ghangpughang naw, “Kei naw akcang ka pyein cu, bühmang ci-am ka pe ba mä khai, shuh ghawi ciah kaa ak om hta avan ka lak pek khai.

MATTHE 25:29

Bühmang cicu peit ba mä ung bühmang law pi täi khai, cun ung phi ghawi-pyam ciah kaa cu, ak om hta phi lak peit yawp vai.

JOHAN 15:2

Kei ung kä m’thein ciah ang ban phung cu tupit ne ghawt ne, m’theih ciah ang ban cu am theih law pi vai ah pyang m’tham ci.

HEBRU 2:1

Mikmi naw mi ng’yak pyi ah thu düng cu khäng khai ah mi shum khai, cun ung mikmi cu lam kä mi hma khai.

1 KORIN 14:37

Amät naw amät Khanpughi ah ng’düihpüi ah ka kyak ci cik ciah chang, mümcha m’cümhnah nak ka gah ci cik ciah chang naw, Khanpughi ah thukhän awn shin ah ca ka guk law ah mawng cu yum ngak sä.

1 KORIN 8:2

Kei ka hmuhmat ci cik ciah chang cu akcang ah a i kä hmuhmat ciah kyak ci.

1 KORIN 3:18

A u naw phi amät naw amät käm hleei en sä. Khomdek khan ah mawng ung kei ka hmuhmat ci, cik ciah chang cu, akcang ah hmuhmat ciah a kyak nak vai ah, chang k’she ah kya sä.

ROMAN 12:3

Khanpughi ah na peit ah bä mang nak awn, ak chang sing ka ning m’cäi gui hlü cu; na mi mät ung ng’müi ciah tha ah hlüng pi khai ah m’lung kä nami m’däm vai. Khanpughi naw a ning peit gui ah yum nak ah ayun ak bawng ah ciah, nami mät awn khinkhaa khai ah, nami mät naw nami mät nami m’khoichaa vai nei.

LAMKTU 17:11

Berea ah chang gui cu Thessalonika ah chang gui ah mä ami m’lung ng’htei pi ci. Cun ah kya ne Paul ah thu pyein cu k’tha na ne ngai ci gui. Paul la Silas ah thu pyein cu akcang la kä akcang ah ami hmat nak vai ah cacim cu ak hnüüp tä sei teng kheng ci gui.

LAMKTU 10:33

Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.

LUKA 9:44

“Chang ah Htapa cu chang gui ah kut ung ap khai gui nei, Cun cu kä nami m’hnih-en vai nei” cine ang düihpüi gui-am kyak na gui ci.

PHILIPPIAN 3:4

A i baw düt ngaih u vai a hlü ung cun cu kei ung om ci. Ak pung ah kiomsang nak ngaih u ciah chang a om ah a kyak ung phi, cun ah chang cu kei a om man hlawk ah kä kyak khai nei.

MAKUH 13:14

“Tükyai shemshai cicu kä om nak khin ung om sei nami hmuk khai. (Shin ah a mawng cu ca phat ci naw ngai thei sä.) Cun nami hmuh law ung Judea kho ung om ciah chang gui cu khomhtung ah dawng u sä.

NG'THU K'THUUK~ 14:12

Dung ciah lam ah na ngaih naw sih nak ah ning hteh pui khai.