Biblia Todo Logo
Bib sou entènèt

- Piblisite -




LUKA 8:13 - Cho Bible Common Language 2016

13 Lung hmu ah kya lawk ciah m’shi ci cu, Khanpughi ah ng’thu ng’ya ne yeikyai ne yum ci gui ah kyak ci. Cun ung phi ngami ah m’lung kyong ah Khanpughi ah ng’thu cu kä khäng ne, ashäng hta düt lüng sei tüihtok nak a bui awt law ung maih yei ba ci.

Gade chapit la Kopi




LUKA 8:13
37 Referans Kwoze  

Johan cu ng’läh ne däi ciah mei-im awn täng sei, ani ah akdei ung ashäng yei ne nami om hlük ci.


Cun ung phi Bawipa naw pyen ci, “Israel la Judah gui aw, nangmi ah khan ah a i ang kei naw ka bi kaw? Nangmi naw kei nami na m’hni nak cu khongawi hta ung khüi tui ang ghit ah amaih ah mäih ah, khongawi ung ang dawt ah maih ciah daam tui ah mäih ah kyak ci nei.


Ngami ah phäh nang cu yumhni nak ah ng’äi gui m’cu ne, tingtäng tum ne na ng’äi gui nakhin ah ciah mäih ah kyak ci. Ngami na ng’thu avan cu ngai te ci gui, tumat hta phi kä läk ci gui.


Chang shekha avan naw ang yak hlü cu akshe shui ne bi vai ah kyak ci, Cun ung phi düng ciah chang cu khäng sei ng’düi ci.


Ngahmi cu kä lü ng’aa neh, ei aw plawihnai u ne, nami mang ei küikyang cu thang m’shet ci gui nei. Ngah mi cu ami mät ah hmawk bäng teng ci gui. Ngami cu khaw ah phi kä aa hlawt ciah, khawkhi naw a yon shüishüi ah khaw ng’mei awn täng ci gui. Kä m’theihpai sei, Khaw cingkhaw ah ang yung ah mawi ne m’shän ung chawng ne sik ciah singghing awn phi täng ci gui.


“Ui naw am lauk cu ei ba ci,” ci la “Vawk cu tui awn m’si ung phi ng’än ung ng’hlawk ba ci,” ciah thu thuuk cu ngami ah hamwk ah kyak ci.


Chang gui cu mi Hunbawipa Jesuh Khrit ami hmuhhmat nak awn, dek khan shetkat nak ami phiawn nak awn ah, cun ah shetkat nak ah khleihtein ah ami kyak ba ah a kyak ung, ak htük ah mä ak hnu ami ghin nak cu, sheka pi bäih ci.


Mikmi cu hnu ah ng’hlat ba ne chükmaih ciah chang ah kä mi kiak ci, yum ne hun nak gah ciah mi kyak ci.


Nami yum nak awn nami m’lung kyong ung Bawi Khrit naw im ak süm vai ah ka taigü ci nei. Nangmi cu m’hni nak ung ng’yungpyaa ne nami khän htek vai ah ka taigü ci nei,


Ngami naw a hnüüp tä na khawihnah ci gui, kei ah ka lamcu kmat u ne, kei ah ka thukhän cu läk hning ci gui ah pyen ci gui nei. Ngami naw clung ciah thukhän gui ka pek gui vai ah ng’ya hlük ci gui ah pyen ci gui. Ngami naw kei na khawihnah u ne yeikyai nak gah ci gui.


Cun ah kyasei, mümcha kä om ciah pumsa cu ak si ah a kyak ah mäih ah, hnünthawh nak kä om ciah yum nak cu aksi ah kyak ci.


Na yum nak htek ne nam lung ngaih theing ciim sä. Chang am shah gui naw ami lung ung ciim sei kä ngai yäi u ne, ami yum nak cu shet sak ci gui.


Cun ah kyasei Timothi cu ka tüih law ah kyak ci. Akcang ah nangmi khoshe ah tüihtok nak ung nami gawk ah khoi ung, keimi ah bilawh nak cu akholä ah kyak khai kyak ci.


Ani ung ak thuuk ah nami ng’yung vai. Ani ung nami ghin nak nami m’shün vai. Ning m’theithang gui ah mäih ah nami yum nak cu a khüighaat law pi vai. Cun kawn ah m’hlüngtai nak awn nami be vai.


Nami bui aut gui ah mawng cu a kholä ah kya yawp ne maa? A kholä ah kä kya düt khai nei!


Kalatia chang k’ang gui! A u naw ang a ning pluh gui ve? Kutlam tung ung Bawi Jesuh Khrit asih cu, nami mik awn nami hmuh awn täng khai ah, ka ning m’dang gui pyi ci nei!


Cun ah Thu Ni cu kei naw nangmi ah maa ah ka pyein ah ng’thu ah kyak ci. Cun ah Thu Ni cu khäng khai ah nami k’pan ah a kyak ung nangmi cu hun nak nami gah khai, Kä cun ung nangmi ah yum cu a kholä ah kyak khai.


Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.


Kei ung kä m’thein ciah ang ban phung cu tupit ne ghawt ne, m’theih ciah ang ban cu am theih law pi vai ah pyang m’tham ci.


Shetkat nak naw ngaih gep nak kä be sak hlawt ci, cun ung phi düng ciah chang cu khäng sei ng’düi ci.


Kei cu thüi ne ka tha ken ci nei. Nangmi naw amawng shui ne kei cu nami na ng’tuk püi ci.


Nangmi cu bekhüt khenggeng ne, khüi khai ah ng’leh u ne, Thu Ni nami ng’yak yah ung nami ngaih u nak cu nami mät naw kä nami thüngphyong sak-en vai. Kei Paul cu shin ah Thu Ni awn changshäm ah ka kyak ci. Shin ah Thu Ni cu m’dek ah khan ah chang päng ung gawk khai ah ng’shäu ne pyein ah kyak ci.


Kei cu kümbe ciah thu ka pyein hning ung phi; thuuk ne ng’kau ci hmuhmat nak la langkha nak a om ung phi; khom’htung ng’nawn sak hning ciah yum nak a om ung phi-kei ung m’hni nak kä a om ung, kei cu a kholä ah kyak ci.


Johan cu chang k’ni la chang theing ah a kyak ah mawng cu Herod naw hmat netah, ani cu kyih ne akni ah om sak ci. Herod cu Johan ah ng’thu pyein ang yak tu päng ung, am lung kyong cäi ng’ä ne a kyak pang ung phi, yeikyai ne ngai tu hlük ci.


Cun ah chang gui cu a i yah ung phi mikmi awn kä pui m’ca ci gui ah kya ne, na hteh tah gui ci gui nei. Ngami cu mikmi awn a täng ah pui m’ca ci gui ah mi chang ah ami kyak ung mikmi awn a täng ah om khai gui sü te nei. Cun ung phi ngami ami hteh cu, ngami ungka a u chang phi, mikmi awn kä ng’gui ng’phaa ba ci, cicu akdei ah ang dang nak ah kyak ci nei.


Lam ung kya lawk ciah m’shi ci cu, Khanpughi ah ng’thu ng’yak ci, cun ung phi ng’yak ci gui naw yum law ne hun nak ami gah vai ah khogam cu ng’ä law netah, ami m’lung kyong ungka Khanpughi ah ng’thu cu lak pe gui yawp ci.


Ng’hling hmu ah kya lawk ciah m’shi ci cu, Khanpughi ah ng’thu ang yak kawn ah kyikyawk ng’ä ng’ai nak, bühmang nak la hlimtui nak gui naw m’khüt sei kä hnün tho hlawt ciah kyak ci.


Swiv nou:

Piblisite


Piblisite