LUKA 8:12 - Cho Bible Common Language 2016

¹² Lam ung kya lawk ciah m’shi ci cu, Khanpughi ah ng’thu ng’yak ci, cun ung phi ng’yak ci gui naw yum law ne hun nak ami gah vai ah khogam cu ng’ä law netah, ami m’lung kyong ungka Khanpughi ah ng’thu cu lak pe gui yawp ci.

LUKA 8:12 Referans Kwoze

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

MAKUH 4:15

Chang amshah gui cu lam ung kya lawk ciah geit m’shi awn täng ci gui, Khanpughi ah thu ng’ya te ci gui, cun ung phi acun vai-am khoshe naw lak pe gui yawp ci.

MATTHE 13:19

Lam ung kya lawk ciah m’shi ci cu, Khankho uknak ah mawng ng’thu k’ni cu ng’yak tu lang ne phi, kä hmat ci awn täng ci. Ami m’lung kyong ung phu ah ng’thu m’shi cu, khoshe naw la ne hteh püi yawp ci.

NG'THU K'THUUK~ 4:5

Cüvai nak gah vai ah na m’lung ung na tha vai, ka pyen cu kä na m’hnih vai kä na nawng en vai.

NG'THU K'THUUK~ 1:29

Nangmi naw hmuhmat nak cu kä na mi mang man ci, Bawipa cu kä nami kyih aa phung ci.

LUKA 8:5

Hnü ät ung chang tumat cu loma ah hteit ne m’shi phu ci. A phu ah m’shi amshah cu lam ung kya lawk ci, cun ah m’shi cu chang naw kai na ne, k’phiu kha naw ei yawp ci.

ISAIAH 65:11

Cun ung phi kei na nawng ne, kei ah theing ciah m’htung Zion nawng ne, ma hmat nak, ma m’khin nak ah khanpughi ah kyak ciah kad la meni khawihnak ciah nangmi ah phäh ah a kahnga ah kyak khai.

MATTHE 13:4

Loma ung a phu ah geit m’shi amshah cu, lam ung va kyasei kha gui naw law ne ei ci gui.

LUKA 8:11

Shin ah m’tumtäng ne pyein nak hlü cu; m’shi cu Khanpughi ah ng’thu ah kyak ci.

LUKA 8:13

Lung hmu ah kya lawk ciah m’shi ci cu, Khanpughi ah ng’thu ng’ya ne yeikyai ne yum ci gui ah kyak ci. Cun ung phi ngami ah m’lung kyong ah Khanpughi ah ng’thu cu kä khäng ne, ashäng hta düt lüng sei tüihtok nak a bui awt law ung maih yei ba ci.