LUKA 8:10 - Cho Bible Common Language 2016

¹⁰ Bawipa Jesuh naw, “Nangmi läi cu Khanpughi ah thuuk ne ng’kau ciah khankho ah mawng cu nami hmat pyi ci. Cun ung phi chang akda cu teng lang ne kä hmuk ci gui, ng’ya lang ne kä hmat ci gui kia sei, m’tumtäng ne m’thein gui ah kyak ci nei” cine pyein ci.

LUKA 8:10 Referans Kwoze

ISAIAH 6:9

Cun ah kyasei kei ka hteh vai ah na pyen ah neta, chang gui am shin ah ng’thu pe gui ci: “A i chü ah nami ngaih ung phi, kä nami hmat hlawt khai. A i chü ah nami teng ung phi. A i i ah kyak cicu kä nami hmat hlawt khai.”

MAKUH 4:11

Bawipa Jesuh naw, “Nangmi naw thuuk ne kau ciah Khanpughi ah uknak kho ah mawng cu nami hmat pyi ci. Cun ah kä hmat tu hning ci gui cu m’tumtäng ne m’thein gui ah kyak ci.

MATTHE 11:25

Cun kawn ah Bawipa Jesuh naw, “Khankho la khomdek van uk ciah kapa, hmuhmat nak om ci gui-am kä nam dang gui cu, hmuhmat nak kä om ci gui-am m’dang gui ci sei ka ning m’hlüngtai ci.

JEREMIAH 5:21

Ngai vä, gu ang she khak ciah chang gui, nami mik on sei kä nami hmu hning ci, nami hnga om sei kä nami ng’ya hning ci.

ISAIAH 44:18

Cun ah chang gui cu aang aih u ne a i ami bi cu kä hmat ci gui. Düng nak kä ami hmuh vai ah ami mik m’shing ne, ami m’lung khai ci gui.

KOLOSE 2:2

Kei naw shin ka bi cu, ngami ami k’tha abe nak vai la m’hni nak ung ami m’lung ngaih a ät nak vai ah kyak ci. Cun ah kyasei ngami cu akcang ah lunglang nak law püi ciah bümbe ciah ngaih gep nak cu gah ci gui. Ashin ah lam awn ngami naw Khanpughi naw am yih ah Bawi Khrit amät cu hmat ci gui.

ROMAN 16:25

Khanpughi ah bämang nak cu mi m’hlüngtai khai nei! Ani naw nang mi ah yum nak cu ning khänhtek sak gui ci nei. Kei naw Bawi Jesuh Khrit ah mawng Thu Ni ka ng’shäu nak ung shin ah ka pyein ci, cau puipui tüi ne ng’thup ne om ciah ng’yih ciah ng’düng nak naw phi acun na m’dang ci.

MATTHE 16:17

Bawipa Jesuh naw, “Johan ah hta Simon, nang ung yeikyai nak om ci, shin ah düng ciah a mawng cu chang naw kä hmat hning ci, Khankho ah om ciah Kapa naw a ning m’thein ah kyak ci.

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

THULÄÄN NAK 29:4

Cun ung phi avan nami bui awt gui cu tuhngawi güt ani naw nangmi am kä ning hmuh sak gui ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

1 KORIN 12:11

Cun ung phi cun gui avan pek cicu Mumchabawi tumat bäng ah kyak ci: Mumchabawi naw, a mät ah ng’yak hlü ah, chang tumat ci am, m’cümhnah nak a hnga hnga cu yuk m’kyum law gui ci.

JOHAN 12:40

“Khanpughi naw ami mik m’dauh sak gui ne ami m’lung khai pe gui ci nei, Cun ah kyasei, ami mik naw a i kä hmuk ci, ami m’lung naw a i kä hmat ci nei, Kei naw ka gai sak gui vai ah Kei ah om nak ah a u phi kä law ba ci nei, cine Khanpughi naw pyein ci” ciah guk ci.

ISAIAH 29:14

Cun ah kyasei kei naw kä ngaih-tüh ah tumat kawn ah tumat ka cat sak gui khai. Cüivai ciah chang gui cu chang anglaam ah ng’lat khai gui, ami lunglang nak avan cu akholä ah kyak khai.”

EZEKIEL 12:2

“Hnicim Chang, nang cu ng’kuknet ciah chang gui ah ng’lung ah na om ci. Ngami cu ami mik om sei phi, a i kä hmuk ci gui; ngami cu ami hnga om sei phi, a i ka ng’yak ci gui, a i ah kyasei ci ung ngami cu ami küknet ah phäh ah kyak ci.

MAKUH 4:12

A i ah kyak sei ci ung; “Ngami cu teng ne phi kä hmuk ci gui, Ngai ng’ya ne phi kä hmat ci gui, Ami teng cu hmu u ne, Ami ng’yak cu hmat u ne, ami kyak vai sü ung, Khanpughi lam ah ng’hlat lawk khai sü gui te, Cun ung ngami ah katnak phi m’gein gui khai sü te, Ci ah cacim ung om ci” cine m’thein gui ci.