LUKA 7:42 - Cho Bible Common Language 2016

⁴² Ani nik hnih naw kä thung law ba hlawt ni sei, ngui ng’pu ci naw nawng pe goi ci. Cun ung ngani ungka a u naw ngui ng’pu cicu yei na pi khai ang?” ci ng’shik ci.

LUKA 7:42 Referans Kwoze

KOLOSE 3:13

Tumat mat awn nami ng’cuh vai a om law ah a kyak ung phi tumat la tumat nami ng’cang nak tu vai, tumat la tumat nami ng’gein tu vai, Bawipa naw a ning m’gein gui ah mäih ah tumat la tumat nami ng’gein tu vai.

EPHESIAN 4:32

Tumat la tumat hnip hnoi ne ng’awi gi tu vä, Khanpughi naw Bawi Khrit ung a ning m’geinsei gui ah mäih ah tumat la tumat m’geinsei tu vä.

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

KALATIAN 3:10

Thukhän läk vai bäng ngaih u ci gui cu acun naw kyuk gui ci. Cacim theing ung, “Thukhän ca uk ung ami guk phung kä läk ciah chang cu Khanpughi naw m’kyuk ci,” ciah om ci.

ROMAN 5:6

Mikmi cu am gein kaa ah mi kyak yah ung, Bawi Khrit cu Khanpughi ah k’bäi nak ah khin ung, mikmi la chang k’she gui ah hmawk ah sik ci nei.

ROMAN 3:24

Cun ung phi chang gui hun gui ciah Jesuh Khrit ung, Khanpughi naw, a phu kä peit ah m’gein nak awn chang gui cu düng sak gui ci.

MATTHE 18:34

ghangpughang cu m’lung she netah, cun ah chang cu a pu kä a thung yawp pha ah chuih kium khai ah thawng ung chum ci.

ISAIAH 44:22

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”

ISAIAH 43:25

Cun ung phi kei cu nami katnak ning m’geinsei gui ciah khanpughi ah ka kyak ci, kei cu kei ah kya ne shin ah ka bi ah kyak ci. Ning hnung’tuk püi gui khai ah nami kat nak kä ka kawt khai nei.

SAM 103:3

Ani naw ka katnak gui avan cu na m’gein sei ne, ka nat nak gui avan cu na gai sak ci.

MATTHE 6:12

Na kat na gui ci kami m’gein ah mäih ah, Kami katnak nam gein gui ä.

MATTHE 18:27

Ghangpughang naw ani cu m’gein netah, a pu avan nawng pe ne amät phi phiawn ci.

LUKA 7:43

Simon naw, Ngui akdäm pi a nawng peit ah chang naw yei na pi khai ah ka ngai ci” cine pyein ci.

2 SAMUEL 14:13

Hnumi naw ani am, “A i ah kyasei nang naw shin ah mäih ah chei shoh nak cu Khanpughi ah chang ah khan ah na bi ang? Nang naw na mät ah hta cu omk’tu khaw ah kaa, a law ba vai ah kä na ng’kiaa ci, cun ah kyasei nang cu tuhbäi na ng’thu awn na mät naw na mät na m’kyuk ci.