LUKA 7:41 - Cho Bible Common Language 2016

⁴¹ Bawipa Jesuh naw, “Ngui ng’pu ciah chang tumat ung ngui pu tuk ciah chang sing goi om ci. Tumat naw phia hma, tumat naw hma-kip ciah pu tuk ci goi.

LUKA 7:41 Referans Kwoze

LUKA 7:47

Cun ah a phiawn ah mawng cu, ani ah däm aih ciah a yum nak naw dang sak ci nei. Akat nak apihta bäng phiawn nak ciah chang cu a yum nak apihta bäng om ci” cine kyak na gui ci.

ROMAN 5:20

Cheishoh nak ada law pi vai ah Khanpughi naw thukhän cu am hnüt ah kyak ci. Cun ung phi katnak ada law pi ung Khanpughi ah m’gein nak cun phi däm law pi ci.

MATTHE 18:28

“Cun ung phi ani cu phyawng ne a hteh ba kawn ah, lam ah ngui api ak pu tu ah ak changshäm paw cu hmu ne, a gawn ung pha ne k’pang netah, ‘Ka ngui na pu tu cu a tuhbäi na thung law ba ä,’ ci ne k’ceet ci.

MATTHE 6:12

Na kat na gui ci kami m’gein ah mäih ah, Kami katnak nam gein gui ä.

ROMAN 3:23

Chang nüng nüng cu shekat u ne, Khanpughi ah bäkhäk nak cu kä gah ci gui.

LUKA 11:4

“Na kat na gui ci kami m’gein ah mäih ah Kami katnak na m’gein gui ä, Tüihtok nak ung kä gawk vai ah, Kä nik ci phung ung na m’htei gui ä”, ci ne nami taigü vai cik ci.

LUKA 13:4

Siloam tänghän ng’gäi sei sik ciah chang sing gha-lei-cheit mä Jerusalem ah om ciah chang gui yah tah katnak bi pi ci gui ah nami ngai ci ma?

LUKA 12:48

Cun ung phi a bawi ah ng’yak hlü kä hmat netah katnak bik ciah chang läi cu geinvai nak api gah khai. Chimgein nak akdäm gah ciah chang cu abi vai akda om khai. Zum ne ngaih gep nak pi gah ciah chang cu abi vai akda pi om khai.

JEREMIAH 3:11

Cun kawn ah Bawipa naw ana pyen nak cu, Israel cu kei ana ng’hlah tak pang ung phi, ani cu kä bekhüt ciah Jodah ah ta abä nak tuba m’dang ci.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

KHEI NAK 27:3

“Kami pa cu pami tumat phi kä hta ne bungpuk ah sik ci nei. Ani cu Bawipa hnu ng’tuk püi ciah Korah läk ciah chang gui ah ng’lung ung ka ah kä kyak ci; ani cu amät ah katnak ah hmawk ah sik ci.

MAKUH 6:37

Bawipa Jesuh naw, “Nangmi nami mät naw shin ah chang gui ei m’bei gui vä” ci nekiak na gui ci. Ang düihpüi gui naw, “Keimi naw tangka phia goi phu, ei vai khleih ne shin ah chang gui-am kami m’bei gui vai ma?” ci ne ng’shi ba ci gui.

LUKA 7:40

Cun yah ung Bawipa Jesuh naw ani-am, “Simon, ka ning m’thein vai om ci nei” cine pyein ci. Simon naw, “Bawipa nam thein ä” cik ci.