LUKA 7:33 - Cho Bible Common Language 2016

³³ A i ah kyasei ci ung Tuihnim Johan law ne, ei kä ei ne, sapyit tui kä aw ne om sei, ‘Ani ung khoshe om ci nei’ nami cik ci.

LUKA 7:33 Referans Kwoze

LUKA 1:15

Ani cu Khanpughi lam ah chang m’gäi ah kya ci. Awktat man phung kä ei awk khai, anu puk ge ung Mumcha Theing awn kümbe khai.

MAKUH 1:6

Johan cu kala-uk ah mu awn tah ah sui cu sui ne, mehvun cu m’ciu ah vawp ci. Ani ah ei awk cu khingkhighi la khoitui ah kyak ci.

LAMKTU 2:13

Cun ung phi amshah gui naw, “shin ah chang gui awk tat ci gui nei” cu ne päipih ci gui.

JOHAN 10:20

Chang amshah naw, “Ani cu khoshe ah kai, ak gu nei, a i vai ang thu nami ngaih ang” cik ci gui.

JOHAN 8:52

Ngami naw, “Nang cu khoshe naw a ning kai ah kami hmat ci nei, Abraham si pyi ci, profet gui phi si pyi ci gui, cun ung phi kei ah thu ngai cicu kä si hlawt khai” na cik ci.

JOHAN 8:48

Ngami naw Bawipa Jesuh-am,” Nang cu Samaritan chang, khoshe ah kai nei “Kami cicu kä hman ne ma?” ci nak ci gui.

MATTHE 3:4

Johan cu kala-uk mu awn tah ah suinu sui ne, saphaw m’yüi awn ak khei k’htün ci. A ei awk cu khoitui la khoi htalung ah kyak ci.

MATTHE 10:25

Changshäm cun phi a bawi ah kä hlüngtai pi ci. Cun ah kiasei ng’thei tuk ci naw m’thei tuk ci k’pha ne, changshäm cu a bawi ah mäih ah a kyak tu ung yeikyai vai kyak ci. Im kyong ung ang vai pi cu, Beelyebul ah mi khü ung, im kyong ung om ciah chang hmün gui läi cu, akshe pi ah khü gui vai kyak khai.

MATTHE 3:1

Cun yah ung Tuihnim Johan cu Judea kho bung puk ah dang law ne,

LUKA 7:32

Ngami cu sumlei lam ung ngoh u neh, ‘Akni ah tum ung kä nami ng’lam ci, thüi kyah nak ng’äi m’cu ung phi kä nami thüi kyap ci’ cine ng’htau ci gui ah ak hmawhta gui awn täng ci gui.

LUKA 7:34

Chang ah Htapa law ne, ei ne aw sei, ‘ei aw aih ci, changshe gui la akhawn look ci gui ng’khawtsheng püi gui ci’ nami cik ci.