Biblia Todo Logo
Bib sou entènèt

- Piblisite -




LUKA 7:25 - Cho Bible Common Language 2016

25 Kä cun ung akni sui sa ne ng’bilawh ci gui nami teng khai ma? Akni sui ei ci gui cu bawimang ah im ung om ci gui nei.

Gade chapit la Kopi




LUKA 7:25
16 Referans Kwoze  

Cun ung phi ang htei ah bühmang ciah ghangpughang Solomon naw phi, cheipai tumat hta ah mäih ah kyom cicu kä suisa man ci nei, ci cu ka ning m’thein gui ci.


Johan cu kala-uk mu awn tah ah suinu sui ne, saphaw m’yüi awn ak khei k’htün ci. A ei awk cu khoitui la khoi htalung ah kyak ci.


Ani naw taga nak cu saphaw ah mäih ah sui ne, hun nak huham ah kyak ciah lukhu cu ng’büng khai. Anawng gui düng khai ah bi nak hlü aih ah sui cu amät naw sui ne, chang gui ah yai ca nak ah cheishoh nak cu m’lyuk ne phu tuk khai.


Mordekai cu amkim la a bawk ah kyak ciah mang ah suinu la suinu am vaw cu akiom ah sui ne, ghui lukhu ng’büng ne mang ah im ungka lut lawk ci. Cun ung Susa mang gaw lam gui cu m’hlüngtai nei, yeikyai nak bäng ah kyak ci.


Ei a hlawi nak ah a hnüüp thum hnüp ung Esther naw mangnu ah suinu sui neta, mang im ah akyong täng chagä ung hteit ne mang kyang ah kyong täng ah mang ne ng’düi ci. Ghangpughang cu kyong ah valuh nak täng ah mang ne mang kyang ung ngok ci.


mang im ung luh nak ung gawk ci. Ani cu kyong ah kä lut ci, a i ah kyasei ci ung suishe sui ciah chang cu a u phi kyong ah kä lut khai ami ciah phäh ah kyak ci.


Ngami naw ghangpughangnu Vashti cu mang lukhu k’bün ne ami law püi vai ah thukbäi gui ci. Ghangpughangnu kyom ci, cun ah kyasei ani ah kyom nak cu ghangpughang naw bawi gui la akhin gui avan am hmuh sak hlü ci.


A uknak a kum thum nak ung ani naw, abawi gui avan la a uktu gui avan cu aktung ah mang ei ei püi gui ci. Acun ung Persia la Media gakap gui phi om tuk ci gui, khopäng uktu gui la chang vai gui phi kai tuk ci gui.


Ngami naw, “Ani naw savun awn pyan ah suinu sui ne, mehvun kheipat awn ng’pat ci” cik ci gui. Ghangpughang naw, “Cun cu Elijah nei” cik ci.


Cun ah hnumi naw tawnglang ung ami pyan ah buhmeh gui, a bawi gui ah om nak ah im gui, mang im kyong ah bii k’bi gui ami m’düih m’thawh gui, la täng khai ah ami suisak gui, ei awk nak ung ani ngäng ciah changshäm gui, Taigüim kyong ah ami douthak ah khawihnah nak gui cu hmuk ci. Acun naw ani cu kä ng’ghi hlawt khai ah cäi sak ci.


Kei cu ka khaw kum cheit kip law pyi ci, a i naw phi yeikyai nak kä na pek khai. Ka ei ka awk phi atui hlim kä ka hmat hning khai, ng’äi ci gui ah ng’äi m’cu phi kä ka ng’ya thei khai. Nang Bawi mang ah phäh ah kei cu phuih gih ah kyak khai.


Kä cun ung a i vai nami hteit ci ang? Ak kyom suisak ci gui nami teng khai ang? Ak kyom suisak ci gui cu mang im kyong ah nei ami om.


Johan ah tüih law goi ani hteh ba kawn ah Bawipa Jesuh naw chang gui-am Johan ah mawng am thein gui cu, “A i nami teng khai ah ang, Johan ah om nak k’pya lün ah nami hteh? kho khi sei hnün ciah m’long kyai gui nami teng khai ma?


Kä cun ung profet nami teng khai ma? Akcang ah profet ah bä pi cicu nami hmuk khai nei.


Hngü ät ung chang mangpa tumat om ci. Ani cu ak hnüüp tä akni ak kiom suisa ne, bühmang ä le ne om ci.


Swiv nou:

Piblisite


Piblisite