LUKA 7:2 - Cho Bible Common Language 2016

² A cu ah Roman gabawi ung beit ng’yak ciah akchangshäm om ci. Ani cu si ghep ghep ne gaw ci.

LUKA 7:2 Referans Kwoze

ATÜNNAK 24:27

“Bawipa cu m’hlüngtai nei, ka bawi Abraham ah Khanpughi naw, ka bawi ung shai ataak cu bekhüt ne k’pang ci nei. Bawipa naw kei cu ka bawi ah khochang gui ah na hteh püi ci nei” cik ci.

KOLOSE 3:22

Changshäm gui aw, hnicim chang nami bawi cu, a päng avan ung nami ngaih vai nei, a ning täk gui la a ning m’cäi gui ah nami kyak bäng ah kä kyasei, Bawipa nami kyih aa nak awn m’lung theing awn nami hnünthawh peit vai.

LUKA 23:47

Acun gui cu gakap bawi naw hmu netah, “Shin ah chang cu akcang ah, changni chang khän ah kyak ci, cine Khanpughi m’hlüngtai ci.

LUKA 8:42

A kho kum gha-lei-goi lüng ciah tumat hta ah a hta hnumi cu si ghep ghep ne gaw khätah cun ah a khü ah kyak ci. Bawipa Jesuh cu ani awn a täng ah hteit tu khätah chang akda naw net ne hteit ci gui.

MATTHE 27:54

Bawipa Jesuh ngäng ci gui ah gabawi la gakap gui naw, shihpi a thüng la a hmün cäicat vai gui cu hmu law u ne, ang htei ah kyikyawk u netah, “Shin ah chang cu akcang ah Khanpughi ah Htapa ah kyak ci nei” cik ci gui.

NG'THU K'THUUK~ 29:21

Nang naw na changshäm cu ak hmaw yah ung tün ne ang yak hlü päng na pek ah akyak ung, hnüüp ät ung ani naw na khawh avan la yawp khai.

JOB 31:5

Kei cu cheishoh khai ah kä ka hnün tho khai, Chang gui m’hleeihlak vai ah kä ka k’tha nak khai, cine ng’thu ka khän ci nei.

ATÜNNAK 35:8

Rebekka m’htei ciah sei sayama Deborah cu si sei, Bethela ah a htumtäng hlim sing ah kaa ah k’phuh u neta, cun ah sing cu Allobakut ah sui ci gui.

LAMKTU 27:43

Cun ung phi gaakap bawi naw Paul cu k’phiawn hlü netah, gaakap gui naw ami k’bäi ah mäih ah kä ami bi vai ah maa na gui netah, tui ng’väk thei ci gui cu, htinpaw ungka ng’phäi sak gui ne, kawng ah vah kai sak gui maa ci.

LAMKTU 27:3

A ngawi ung keimi cu Sidon ah kami gawk ci. A cu ah Julius naw Paul cu m’gein netah a teihpüi gui awn hmuh sak gui ci. Ngami am phi khin chah na sak gui ci.

LAMKTU 27:1

Keimi cu Itali kho ah na hteh püi gui khai gui ah k’bäi u netah, Paul la thawng kium gui ami van cu, Festus naw “Ghangpughang ah shekshen” a mi ciah Roman shekshen ung gaakap bawi Julius ah kut ung ap gui ci.

LAMKTU 23:17

Paul naw, gaakap ng’vai tumat cu khü netah, “Shin ah chang hta gakap ng’vaipi ah hteh püi ä, gakap vaipi am, am’thein vai a mawng om ci nei” cine pyein ci.

LAMKTU 22:26

Cun ah Thu cu ng’ya netah gaakap bawi naw gakap ng’vaipi ah hteit ne, “A i hawkcha na bi ang? A ni cu Roman chang pa tumat ah kyak ci nei” cik ci.

LAMKTU 10:7

Khankho chang hteit ba khäh tah Konelius naw ak changshäm hnih la yum nak om ciah ang ngaih u ah gaakap tumat khü gui netah,

LAMKTU 10:1

Sisaria gawnu ah Konelius ming nak ciah chang tumat om ci. Ani cu Itali ming nak ciah Roman gaakap shekshen ung kaptain ah kya ci.

LUKA 7:1

Bawipa Jesuh cu cun ah chang gui am cäi guikawn ah Kapernaum ah hteit ba ci.

LUKA 7:3

Gabawi naw Bawipa Jesuh ah mawng ng’ya netah law ne am gai law tu ba vai ah Judah ng’vai gui tüi ne khü sak gui ci.