LUKA 7:16 - Cho Bible Common Language 2016

¹⁶ Chang gui cäicat u netah mikmi ung profet mang tumat dang law pyi ci nei, Khanpughi cu akchang gui hun khai ah law pyi ci nei” cine Khanpughi cu m’hlüngtai ci gui.

LUKA 7:16 Referans Kwoze

LUKA 7:39

Pharisee Simon naw cun cu hmu netah, “Shin ah chang shi profet akcang ah a kyak läi ung, a khaw k’pan pek ciah hnumi cu a u ah a kiak, a i katnak bik ciah a kyak ah hmat khai süte” cine ngai ci.

MATTHE 9:8

Acun ah mawng hmuh teng tuk ciah chang gui cu cäicat u netah, chang gui-am shin ah mäih ah huham pek ciah Khanpughi cu m’hlüngtai ci gui.

LUKA 1:68

“Israel gui ah Khanpughi Bawipa cu m’hlüngtai tu vä, Ani cu akchang gui m’htei gui khai ah law ne, phiawn sak gui pyi ci nei.

JEREMIAH 33:9

Jerusalem cu kei ah phäh ah yeikyai nak, m’tamkhah nak la ng’häh leh nak ah a phung ak kyak ci; Jerusalem chang gui ah phäh ah akni ka bi nak ah mawng cu, khomdek khan ah pakhui päng naw ami ng’yak ung kyi ne ng’hlet khai gui.”

LUKA 5:26

Cun hmuk ciah chang gui ami van cäicat kyikyawk u netah, “tuhngawi mi hmu teng cu ang htei ah küikyang aih ci nei” ci ne kyak ci gui.

LUKA 2:20

Htoshäm gui cu Khankho chang ah pyein ah mäih ah hmu ng’ya u netah, Khanpughi ng’äi ne m’hlüngtai ne hteit ba ci gui.

LUKA 1:65

Ami im ng’phei gui cu ami van kyikyawk ci gui.

MATTHE 21:11

Chang khli gui naw, “Shin ah chang cu Kalile kho, Nazaret gawnu ah kaa profet Jesuh nei” cine ng’shäu ci gui.

MATTHE 15:31

Ak ang gui thu thei ci gui, apumsa kä küm ci gui küm ba ci gui, akho khem gui hteit thei ci gui, amik m’dauh gui m’dei lawk ci gui, acun gui cu chang gui naw hmu u netah, ang htei ah cäicat u neh Israel gui ah Khanpughi cu m’hlüngtai ci gui.

SAM 65:9

Nang naw na ng’dü khaw m’htei ne na m’dang nak cu; khaw na yuk aa sak ci, na bämang sak ci, m’dek na ni sak ci, tuihta na lon sak ci; khomdek phi geit awn na be sak ci. Shin cu nang ah bi lawh ah kyak ci.

PHYAWN NAK 4:31

Ngami naw yum ci gui, ngami ah om nak ah Bawipa a law vai la aktä ah ami shedam nak gui cu ani naw hmu gui ciah ng’ya u neta, ngami naw m’khuukdong ne khawihnah ci gui.

KALATIAN 1:24

Cun ah kyasei ngami naw kei ah mawng ung Khanpughi cu m’hlüngtai ci gui.

LAMKTU 5:5

Cun ah ng’thu ang yak vai am Ananias cu, kiuh ne sih seih, acun hmuh ng’yah tuk ciah chang gui cu ang htei ah kyikyawk ci gui,

JOHAN 9:17

Pharise gui naw, amik m’dauh te ciah chang-am, “Na mik ning m’dei ba sak cicu a u chang ang?” cine ng’shi ba ci gui. Cun ah chang naw, “Ani cu profet nei” cine m’thein ba gui ci.

JOHAN 6:14

Cun ah Bawipa Jesuh naw cäi aih vai abi gui hmu tuk ciah chang gui naw, “Shin ah chang cu khomdek khan ah gawk lawk khai ami ciah, profet akcang ah kyak ci nei” cik ci gui.

JOHAN 4:19

Cun ah hnumi naw, “Bawipa, nang cu profet ah na kyak ci.

JOHAN 1:25

Elijah ah phi kä na kyak ung, profet ah phi kä na kyak ung, a i vai tuihnim nak na peit ang?” cik ci gui.

JOHAN 1:21

Ngami naw, “Cun ung nang a u ang? Nang Eliah ma?” cine ng’shi ba ci gui. Johan naw, “Kei cu Eliah ah kä ka kya ci nei” ci ba ci. Cun ung nang profet ma cine ng’shi ba mä u sei phi, “Ka nei” ci ba ci.

LUKA 24:19

Bawipa Jesuh naw, “A i ah a mawng gui ang?” cine ng’shi goi ci. Ngani naw, “Nazaret ah kaa Jesuh ah a mawng gui nei. Ani cu Khanpughi la chang ah ma ah ang thu ng’htau a bilawh ung hlüngtai thamah nak awn be ciah profet ah kyak ci nei.

LUKA 9:19

Ang düihpüi gui naw, “Chang amshah naw tuihnim Johan nei cik ci, chang amshah naw Elijah nei ci ci, chang amshah naw cau kaa ghing ne law ba ciah Profet nei cik ci” cine pyein ci gui.

LUKA 8:37

Cun ah kho ung chang gui cu ang htei ah kyikyawk u netah Bawipa Jesuh cu akyang ah a hei ah a hteh vai ah pyein u sei, Bawipa Jesuh cu hleiko ung kai ba ne a hei ah hteit ba ci.

LUKA 5:8

Simon Peter cu acun gui hmu netah Bawipa Jesuh ah ma ah m’kuukdong ne, “Bawipa, kei cu katnak bik ciah chang ah ka kyak ci kyasei, kä na k’et ne a hei ah hteit tei-ä” cik ci.

MATTHE 28:8

Cun ah hnumi gui cu ami kyihkyawk pang ung phi ang htei ah yeikyai u ne, acun gui cu ang düihpüi gui-am m’thein ba khai gui ah dawng ba ci gui.

LAMKTU 7:37

Khanpughi naw ami mät pakhui ung ka, Profet tumat cu, kei a na tüih law ah mäih ah tüi lawk khai nei” ci neh Moses naw Israel chang ghu am pyen na gui ci.

LUKA 19:44

Cun ah gaa gui naw, nang la gaw kyong ah om ciah chang gui cu, avan ngawn ne m’dimdap yawp khai gui. Lung tumat ah khan ah tumat phi ng’taih ne kä om ba khai. A i ah kyasei ci ung nang cu ning hun khai ah Khanpughi a kyum law nak ah khin cu, kä na hmat ah hmawk ah kyak ci” cine pyein ci.

THULÄÄN NAK 18:15

Cun nak vaisü ung ani naw kei ah mäih ah prophet tumat cu ami mät ah chang ungka ning tüih law gui khai. Nangmi naw ani cu nami ngaih vai.

LUKA 7:15

Cun kawn ah Bawipa Jesuh naw anu-am ap ba ci.