LUKA 7:14 - Cho Bible Common Language 2016

¹⁴ Cun kawn ah gook cu a kut awn tawk sei, kawt ci gui cu ng’düm ci gui. Bawipa Jesuh naw, “Phäi hta, tho ba ä” ci khätah, chang k’si cu tho ne ngoh ne ng’htau ci.

LUKA 7:14 Referans Kwoze

JOHAN 5:25

Kei naw akcang ka pyein cu, akhin gawk law pyi ci, chang si gui naw Khanpughi ah A Htapa ah k’o ng’ya u netah, ghin nak ami gah nak ba vai ah akhin cu, tuhbäi gawk law pyi ci nei.

JOHAN 11:25

Bawipa Jesuh naw, “Kei cu thawh nak ba la ghin nak ah ka kiak ci, kei na yum ciah chang cu, a sih ung phi ghing ba khai;

1 GHANGPUGHANG GUI 17:21

Cun kawn ah Elijah cu a hmaw ah khan ah thumvei yuk bawk neta taigü ci, “O Bawipa ka Khanpughi, shin ah a hmaw cu ghin ba sak ä!”

ROMAN 4:17

Cun cu cacim theing ung, “Kei naw nang cu chang pakhui-van ah pa ah ka ning pyang ci nei,” cine a pyein ah mäih ah kya ci. Cun ah kya sei Khanpughi ah shaitaak cu kümbe ci. Khanpughi cu Abraham ah ngaih u, sik ciah chang gui ghin ba sak ci la, kä ng’tüi om man ci gui ng’tüi om sak ciah Khanpughi ah kyak ci.

JOHAN 5:21

Apa naw aksi m’ghin ba ne, ghin nak a peit ah mäih ah A Htapa naw phi ang yak hlü ah chang cu m’ghin ba khai.

ISAIAH 26:19

Keimi ah kami chang cu a sih ung phi, ghing ba khai! Ngami ah ami pumsa cu ghing law ba khai. Ng’phuh hmun ung ip ci gui ami van tho ba u ne, yei ne ng’äi m’cu khai gui. K’daam tui naw khomdek ak chin sak ah mäih ah, khaw k’sho ung sik ciah chang gui cu Bawipa naw ghin ba sak gui khai.

SAM 33:9

Ang thu m’gawng ung ka khomdek cu ng’tüisho ci, ang thum khän ung ka apäng dang lawk ci.

JOB 14:14

Chang a sih ah a kyak ung ghing ne law ba hning khai aw? Cun ung phi kei naw a khin akni pi cu ka ngäng khai nei. Shin ah khüikha nak ah akhin ang pyi güt ngäng vai nei

JOB 14:12

Chang gui ami sih ung, kä tho ba phung ci gui. Khankhomik a om ah chuih kä ng’shüm law ba khai gui. Ngami cu ami ih nak ungka kä tho law ba khai gui.

EPHESIAN 5:12

(Chang gui naw m’yih m’thuh ne ami bilawh gui cu, pyein tu vai ah phi lü ng’aa vai kyak ci nei.)

1 GHANGPUGHANG GUI 17:22

Bawipa naw Elijah taigü ngaih pek ci; a hmaw ci ng’ghi law ba ne, ghing law ba ci.

MAKUH 5:41

Bawipa Jesuh naw hnumi hta cu a kut ung k’pang netah, “Talitha, koum” cine kyak nak ci (Cun cu hnumi hta, na thawh law vai, kei naw ka pyein ci, a ciah kyak ci.)

LUKA 7:13

Bawipa Jesuh naw cun ah hmeinu cu hmuh ne m’gein aih netah, “Kä kyap ä” cine pyen nak ci.

LUKA 7:15

Cun kawn ah Bawipa Jesuh naw anu-am ap ba ci.

LUKA 7:17

Bawipa Jesuh ah a mawng cu Judah khopäng la a pei leng avan ung gawk yawp ci.