LUKA 7:13 - Cho Bible Common Language 2016

¹³ Bawipa Jesuh naw cun ah hmeinu cu hmuh ne m’gein aih netah, “Kä kyap ä” cine pyen nak ci.

LUKA 7:13 Referans Kwoze

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

SAM 103:13

Ami pa naw a hta gui cu am hni gui ah mäih ah, Bawipa naw amät chang m’sui cicu m’hni gui ci.

HEBRU 4:15

Mikmi ah Taigü Tung cu mikmi ah shetkat nak kä nam gein gui hlawt ciah kä kyak ci. Mikmi ah Taigü Tung cu, mikmi ah mäih ah tüihtok nak aut ci, cun ung phi cheishoh nak ung kä gawk ci.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

LUKA 8:52

Bawipa Jesuh naw, “Kä kyap vä, shin ah ak hmaw cu kä sik ci nei, ip ci nei” cik ci.

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

JOHAN 20:15

Cun ung phi Bawipa Jesuh bä ah kä hmat ci. Bawipa Jesuh naw, “Hnumi hta awi, a i ah kyasei na kyah ang? A u ang na shui?” cine ng’shik ci. Mari naw, ani cu lo-cham ngäng ciah ngai netah, “Sayapa, Bawipa ah a gook cu nang naw na laak ah a kyak ung, a hawi na tha cu nam thein ä, hteit ne ka la ba khai” cine pyein ci.

MAKUH 8:2

Bawipa Jesuh naw ang düihpüi gui khü gui netah, “Shin ah chang gui cu kei awn a täng ah kho hnüüp thum om lawk ci gui kya ne ami ei vai kä om ba ci. Cun ah kyasei kei naw kam gein gui ci.

SUKI GUI 10:16

Cun ah kyasei ngami naw akcho hei khanpughi gui cu nawng u ne, Bawipa cu khawihnah ci gui; cun ah kyasei, ngami ah khüikha nak cu chihna gui ci.

JOHAN 11:2

(Shin ah Mari cu Bawipa Jesuh akho, tui ng’ui awn shawi ne alusam awn m’si ciah kyak ci, gaw ciah Lazaruh cu ani ah be ah kyak ci.)

LUKA 24:34

Ng’bum ne ana om ciah chang gui naw, “Bawipa cu akcang ah tho ba pyi ci nei, Simon Peter ah ma ah ng’dang ba ci nei” cine kiak ci gui.

LUKA 17:5

Ang düihpüi gui naw, Bawipa-am, “Kami yum nak na hlüngtai sak gui ä” cik ci gui.

1 KORIN 7:30

Kyap ci gui cu kä thüi ci gui ah mäih ah om u sä; gaih ci gui cu kä yei ci gui ah mäih ah om u sä; khleih gah ci gui cu a i kä om ciah mäih ah om u sä;

JOHAN 20:13

Khankho chang goi naw, “Hnumi hta awi, a i ah kyasei na kyah ang?” cine ng’shik ci goi. Mari naw, “Chang gui naw kapa cu hteh püi ci gui, a hawi ami tha kä ka hmat ci nei” cine pyein ci.

LUKA 13:15

Bawipa Jesuh naw, “Chang thuvi gui, ‘Nangmi cu pum hnüüp ung nami sei gui, nami k’se gui gui k’phian ne saw ne tui nami tu man ciah kä kya ne ang?

LUKA 10:1

Cun kawn ah Bawipa Jesuh naw ang khah püi chang sing chih-kip-lei-goi cu ghü ba gui netah, chang sing goi ciah ng’khap sak gui ne, amät ah a hteh law nak vai ah pigaw gui ung tüi gui ci.

LUKA 7:19

Bawipa Jesuh ah tüi netah, “Nang cu kyum lawk khai cine kami gin ah Bawipa ah na kyak ci ang? Kä cun ung a hei kami ging ba khai ang?” cine ng’shi sak goi ci.

1 THESSALONIAN 4:13

Phäi nau gui aw, sik ciah chang gui ah mawng akcang cu kami ninghmat sak gui hlük ci nei. Cun ung vah nangmi cu ngaih u nak kä om ciah chang gui ah mäih ah thüisei nak kä om khai.

LUKA 22:61

Bawipa naw a mang law ne Peter cu m’htei ne teng ci. Cun hmu netah, Peter naw, “Hngeng mü ai kä a khon phaa ung nang naw, ‘Ani kä ka hmat ci nei’ cine thum vei na na mak khai” ci ne Bawipa ah pyein cu shüm ba ci.

LUKA 7:12

Gaw m’kawt pei ah ami gawk law yah ung chang gui naw gook kawt ne ana luh law püi u sei chang akda naw ana läk lawk ci gui. Cun cu hmeinu ah a hta tumat hta te sik ciah kyak ci.

LUKA 7:14

Cun kawn ah gook cu a kut awn tawk sei, kawt ci gui cu ng’düm ci gui. Bawipa Jesuh naw, “Phäi hta, tho ba ä” ci khätah, chang k’si cu tho ne ngoh ne ng’htau ci.

LUKA 11:1

Kho hnüüp ät ung Bawipa Jesuh cu amät taigü ne om ci. Ak taigü yawp kawn ah ang düihpüi tumat naw, “Bawipa, Johan, naw ang khahpüi gui-am am thein gui ah mäih ah taigü vai na m’thein gui ä” cik ci.

LUKA 11:39

Bawipa Jesuh naw, “Nangmi pharisee gui, nami ei bei, umk’am gui akpung ah theing khai ah nami m’si ung phi, nami m’lung kyong läi cu ng’tuk ng’ah nak hlü la shetkat nak awn be ci nei.

LUKA 12:42

Bawipa Naw, “Bekhüt ne cüivai ciah changshäm cu a u ang? Khuimah tumat naw akchangshäm gui khawngmang gui ne, uk gui ne, ei-awk phi tei gui khai ah changshäm tumat cu ghü ne m’düih khai.

LUKA 17:6

Bawipa Naw, “Nangmi ung yumnak anhta ui teih pang a om ah a kyak ung, nangmi naw shin ah anli ghing-am,” Na phung ah ng’son ne, tuinu ung ghing ne ng’düi ä” nami ci ung nami pyein ah mäih ah kyak khai nei.

LUKA 18:6

“Shin ah kä nik ciah suki ah ng’thu cu ngai shüm vä,

LUKA 19:8

Zakhaeus cu ng’düi law netah, Bawipa Jesuh-am “Bawipa, kei ah ka khawh cu a teih k’pai ne ghawipyam ci gui-am ka pek khai nei. Kei naw chang ah ngui kä düng ciah ka lak a om ung phi, a cun ah ngui ah ak phli ah ka pe ba khai nei” cik ci.

LUKA 24:3

Cun ung phi Bawipa Jesuh ah a gook cu kä hmuk ci gui.

JOHAN 4:1

Bawipa Jesuh naw Johan ah peit ah da pi khai ah yum ci gui-am tuihnim nak a peit gui cu, pharise gui naw ng’yak ci gui.

JOHAN 6:23

Cun ung phi Tiperia ah kaa lawk ciah hleiko gui cu Bawipa Jesuh naw taigü ne chang akda-am ei am bei nak gui te ah pei ah gawk lawk ci gui.

JOHAN 11:3

Cun ah ng’pai nau goi naw, “Bawipa, nang naw nam hni ah chang cu gaw ci nei” cine chang m’cäi lawk ci goi.