LUKA 7:12 - Cho Bible Common Language 2016

¹² Gaw m’kawt pei ah ami gawk law yah ung chang gui naw gook kawt ne ana luh law püi u sei chang akda naw ana läk lawk ci gui. Cun cu hmeinu ah a hta tumat hta te sik ciah kyak ci.

LUKA 7:12 Referans Kwoze

LUKA 8:42

A kho kum gha-lei-goi lüng ciah tumat hta ah a hta hnumi cu si ghep ghep ne gaw khätah cun ah a khü ah kyak ci. Bawipa Jesuh cu ani awn a täng ah hteit tu khätah chang akda naw net ne hteit ci gui.

JAMES 1:27

Pa Khanpughi ah ma ah theing ne ciim ciah ayum nak om ciah chang cu; geinvai ciah hmeihta nausen gui la hmeinu gui cu, m’theithang ne, m’dekhan shetkat nak gui phiawn nak vai ah, a htingling ah om ciah chang ah kyak ci.

LAMKTU 9:41

Peter naw cun ah hnumi cu k’pang ne ng’düih sak netah, hmeinu gui mah mah ah yum ciah chang gui ami van cu khü gui ne, ghing ba ciah Dorkas cu ap gui ci.

LAMKTU 9:39

Cun ah kyasei Peter cu, cun ah chang goi awn a täng ah gui law tuk ci. A gawk law vai am chang gui naw Peter cu im akhan kyong ah hteh püi ci gui. Hmeinu gui cu kyap ne Peter ana bui u ne, Dorkas naw a ghin yah ung a tah ah suinu suitha gui cu ana m’hnuh ci gui.

JOHAN 11:19

Jew chang gui akda cu Mari la Mahta ani be ah sih nak ah law u ne thüi tu püi ci gui.

LUKA 8:52

Bawipa Jesuh naw, “Kä kyap vä, shin ah ak hmaw cu kä sik ci nei, ip ci nei” cik ci.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

JOB 29:13

Ak nui pi am lung geinvaici gui naw kei cu na m’tam ci gui. Hmeinu gui phi m’lung üp nak ami gah vai ah ka m’htei gui ci.

2 GHANGPUGHANG GUI 4:20

Changshäm naw a hmaw cu anu ah om nak ah hteh püi ba sei, anu naw a khaw khan ah m’shän ne, khaw hnüüp law a sih güt ung om püi ci.

2 GHANGPUGHANG GUI 4:16

Elisha naw pyen nak ci, “Hneng kum a tuhbäi ah a khin ung nang naw na kut ung htapa cu nak pawm khai nei” cik ci. Ani naw pyen ba ne, “Oh, na bä ni, Bawi, kei kä na m’hleei ä. Nang cu Khanpughi ah chang nei!” cik ci.

1 GHANGPUGHANG GUI 17:23

Elijah naw a hmaw cu anu ah om nak ka ah yuk hteh püi ba neta a pyen nak cu, “Teng ä, na hta ghing ba ci nei!”

1 GHANGPUGHANG GUI 17:18

Ani naw Elijah pyen nak ci, “Khanpughi ah chang, a i ah kyasei kei ah khan ah shin ah na bi ang? Khanpughi am kei ah katnak gui m’thein ci sei, acun ah cheng ah ka hta a sih vai ah na lawk ci ang?”

1 GHANGPUGHANG GUI 17:12

Ani naw m’shang ne, “Kei naw ghing ciah Bawipa, na Khanpughi ung khän ne ka pyen cu, kei ung m’htut kä om ci. Kei ung om ci avan cu k’am ung m’htut den a shum la situi um ung olive-situi api ah kyak ci. Kei shin ung im ah ka hteh püi vai sing ka lak ci, ka mät la ka hta ah phäh apihta ka pyang khai. Cun cu kei ni ah a hnu ah ei ah kyak ci, cun kawn ah cawi ne kani sik khai kyak ci,” cik ci.

1 GHANGPUGHANG GUI 17:9

“Tuhbäi Sidon ah pei, Zarephath gawnu ah hteit ne om ä. A cu ah kaa hmeinu naw nang a ning m’bei vai ah kei naw ka thumkhän ci nei.”

2 SAMUEL 14:7

Tuhbäi, bawi aw, ka mäit yah gui avan naw kei cu na hnu ng’tuk püi u ne, ka hta cu ka ap gui vai ah na k’thäh ci gui, ngami naw a phäi a ngawn ah phäh ah ngawn ba khai gui. Ngami naw cun ah ami bi ung ka ng’ngaih u khüt cu ngami naw m’di khai gui, kei ah ka cei ah ming m’ghin khai ah htapa cu maih khai,” cik ci.

ATÜNNAK 22:12

Khankho chang naw, “Cän ah a hmaw kä na tawn nen vai, a i phi kä na bi en vai, tumat bäng ah na hta cu kei k’thäh ngä sei, na na pek ci, Khanpughi ah ng’thu ngai ne na m’tamkhah cu ka hmat pyi ci nei” cik ci.

ATÜNNAK 22:2

Ang htei ah na m’hni ah na hta tumat bäng Isaak cu Moriah khaw ah hteh püi ne na hteh vai. A cun ah ka ning m’shüm ah khomhtung ah, Isaak cu mei awn m’khih ne khawihnah nak na bi vai.

LUKA 7:11

Cun kawn ah Bawipa Jesuh cu ang Düihpüi gui awn ng’khap ne chang khli naw läk sei Nain gawnu ah hteit ci.

LUKA 7:13

Bawipa Jesuh naw cun ah hmeinu cu hmuh ne m’gein aih netah, “Kä kyap ä” cine pyen nak ci.