LUKA 6:6 - Cho Bible Common Language 2016

⁶ Kyin ba hnüüp ung Bawipa Jesuh cu pum im ah hteit ne m’theithang gui ci. A cu ah ak patlam a kut shum ciah chang tumat om ci.

LUKA 6:6 Referans Kwoze

JOHAN 5:3

Cun ah ng’vong pei ah amik m’dauh ni, akho hnget ni, a kut kho shum ci ni, ak gaw akda ng’yän ci gui.

LUKA 4:31

Bawipa Jesuh cu Kalile kho Kapernaum gawnu ah hteit ne, pum hnüüp ung pum im ah hteit ne m’theithang gui ci.

LUKA 4:16

Cun kawn ah Bawipa Jesuh cu a däm ng’vai law nak Nazaret gawnu ah hteit ba ci. Ani cu kyin hnüüp ung a hteh man ah, pum im ah hteit ne, cacim cu phat khai ah ng’düi law khätah;

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

JOHAN 9:16

Pharise am shah naw, “Ani cu kyin nak thukhän kä ngai ci, Khanpughi ah kaa lawk ciah kä kyak khai” cik ci gui. Am shah naw, “Kat nak abi ah a kyak ung cäi aih vai gui kä bi hning khai sü te” cik ci gui. Cun ah kyak ne ngami cu ami ngaih ng’pai lawk ci.

LUKA 14:3

Bawipa Jesuh naw, “Kyin hnüüp ung gawpram ci gai sak vai ang?” cine pharisee gui la thukhän saya gui cu ng’shi gui ci.

LUKA 13:10

Pum hnüüp ung Bawipa Jesuh cu pum im ah m’theithang gui ne om ci.

LUKA 6:1

Kyin hnüüp ung Bawipa Jesuh htang loma sun pah ne a hteh yah ung, ang düihpüi gui naw kiung htang cu m’ghawt ne m’hnoi ne ei ci gui.

1 GHANGPUGHANG GUI 13:4

Ghangpughang Jeroboam naw cun cu ng’ya neta, ani cu a kut awn tawk ne, “Shin ah chang cu pha vä” cik ci. Acun vai am ghangpughang ah kut cu k’shum sei kä va saw ba hlawt ci.

ZEKHARIAH 11:17

Cun ah akholä ah kyak ciah htome shäm cu, akhaw mü ci nei! Ani naw a htome gui cu nawng gui ci. Ng’tuk nak naw a huham avan cu m’di khai nei. Akut cu shuum khai, akpat lam a mik cu m’dauh khai nei” cik ci.

LUKA 6:5

Cun kawn ah Bawipa Jesuh naw, “Chang ah Htapa cu Kyin Hnüüp ah Bawipa ah kyak ci” cine pyen na gui ci.