LUKA 6:48 - Cho Bible Common Language 2016

⁴⁸ Kho khi ne aa sei tuinu ang güüt law ung phi cun ah im cu khäng khai ah cawh ah kya ne, kä ng’gäi hlawt ci.

LUKA 6:48 Referans Kwoze

SAM 62:2

Ani bäng naw na shung ne na k’phyawn ci; Ani cu ka ng’shung nak ah kyasei, Kei a i naw kä na hnim khai.

ISAIAH 28:16

Tubäi, shin cu, uktu Bawipa naw a pyen nei, “Kei naw Zion ung angnei ka k’süm ci, cun cu khäng ne, khüi ci nei kei naw lungtung am liu ka ng’ling ci nei, ‘Khäng ciah yum nak naw ngaihgei nak phi kyak sak ci!

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

ISAIAH 26:4

Bawipa ung angtäi sei ngaih gep vä; ani naw angtäi sei na shungvong gui khai nei.

EPHESIAN 2:20

Nangmi cun phi Angdüih püi gui la purofet gui naw ami k’süm ah lung ung ng’lin ah nami kya pyi ci. Cun ah lung k’tung cu Bawi Khrit Jesuh amät ah kyak ci.

1 JOHAN 2:28

Ka hta nau gui aw, Bawipa awn kawng ät ne nami om vai, cun ung mikmi cu Bawipa a kyum law ba Hnüüp ung, lü ng’aa ng’thuh thaw vai kä hlü sei, ama ah thagui ak be awn mi ng’düi khai nei.

2 TIMOTHI 2:19

Cun ung phi Khanpughi naw ak khäng ah ling ne ak süm cu kä thüng hlawt ci nei. Cun ah khan ah, “Khanpughi naw a mät ah chang gui cu hmat gui ci nei”, ci la “Bawipa ung khäng pyi ciah pyein ciah chang phung naw cheishoh nak cu a phiawn nak vai nei,” ciah ca cu guk ah kyak ci nei.

SAM 32:6

Cun ah kyasei, na changnigui cu, ami ng’yak hlü ah khin ung taigü khai gui nei. Tuinu ng’güüt ne a law, law ung phi, kä k’pha gui khai nei.

2 SAMUEL 22:32

Bawipa amät bäng Khanpughi nei; Khanpughi bäng cu mi ng’shung nak nei.

NG'THU K'THUUK~ 10:25

Pui kho akhi law ung changshe gui cu yon gui ci, Cun ung phi changnicvu angtäi sei phyawng ci.

2 SAMUEL 22:47

Bawipa ghing ci! Na shungvong cicu m’tam nei! Na hun ciah m’gäi ciah Khanpughi ah dämduh nak cu shäu nei.

ISAIAH 59:19

Akhei ung ka naw ak kyang ung khüt khai ah chang päng naw ani la a huham cu kyih kyawk khai. Ani cu ng’güüt ciah tuilawng mäih, ng’pheet ciah khokhi ah mäih ah lawk khai.

2 PETER 1:10

Cun ah kyasei phäinau gui aw, nangmi Khanpughi naw khü ne ning ghü gui ciah, angtäi sei ngaih gep ne, nami tha law nak pi täi ah a kyak ung, a i sang ung phi nami yum nak cu kä nami ng’hlah ta hlawt khai nei.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

NAHUM 1:8

Tuinu ng’güüt ne khaw akhi ah mäih ah aga gui cu m’di gui yawp ci. Ani hnungtuk püi ci gui ah khan ah ami sih nak vai yuk chah lawk ci.

SAM 95:1

Law vä, Bawipa mi m’taam khai! Mi yii ah Khanpughi ah yei ne ng’äi mi m’cu khai!

2 SAMUEL 22:5

Sih nak tui hnawk naw avan ung na kyung ci; Dishum nak tui hnawk ka khan ah long ci nei.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

2 SAMUEL 23:3

Israel Khanpughi naw ng’thu pyen ci; Israel gui shungvong ci naw ana pyen nak cu, “Taga khai ah uk ciah ghangpughang, Khanpughi ng’ngai neta uk ciah chang cu,

2 SAMUEL 22:2

Bawipa cu kei ah ka ng’shung nak; Ani cu khüighat ciah ka mangpang.

1 SAMUEL 2:2

“Bawipa ah mäih ah theingcim ci, a u kä om ci nei, Mi Khanpughi ah mäih ah shungvong ci, a u kä om ci.

THULÄÄN NAK 32:31

Ami ga gui naw ami khanpughi gui cu aktha ken ciah hmat ci gui. Israel Khanpughi ah mäih ah kä m’gäi ci gui.

THULÄÄN NAK 32:18

Ami Khanpughi, m’gäi ciah ami hunbawi, ami ghin nak pe gui ci cu, Ngami naw m’hnih ci gui.

LUKA 6:47

Kei ah law ne ka ng’thu theing ng’ya ne läk ciah chang cu lung ung khui shawk ne, k’tung ling ne, im co ci awn täng ci.

LUKA 6:49

Kei ah pyein ah ng’thu theing cu ng’ya lang ne, kä läk ciah chang cu bigin ung khui shawk ne im co ci awn täng ci. Ani cu kho khi ne aa ne tuinu ang güüt law ung ng’gäi ne maih yawp khai” cine m’cäi gui ci.