LUKA 6:47 - Cho Bible Common Language 2016

⁴⁷ Kei ah law ne ka ng’thu theing ng’ya ne läk ciah chang cu lung ung khui shawk ne, k’tung ling ne, im co ci awn täng ci.

LUKA 6:47 Referans Kwoze

LUKA 11:28

Cun ung phi Bawipa Jesuh naw, “Khanpughi ah ng’thu ngai ne läk ciah khan ah yeikyai nak om sä, ci ung ni pi khai nei” cik ci.

JOHAN 14:15

“Kei nami nam hni ung ka thukhän cu nami läk khai.

JAMES 4:17

Cun ah kyasei akni hmat lang ne kä bik ciah chang cu, shetkat nak bik ciah kyak ci.

MATTHE 12:50

Khankho ah om ciah Kapa Khanpughi ah ang yak hlü ah bik ciah chang phung cu, kei ah phäi, kei ah nau, kei ah be, kei ah nu ah kyak ci nei,” cine m’thein gui ci.

JOHAN 13:17

Tuhbäi nangmi naw ng’thu düng nami hmat pyi ci, acun ah mäih ah nami om ung, nangmi ung yeikyai na om khai.”

1 PETER 2:4

Bawipa ah law vä, Bawipa cu ghing ciah k’toulung ah kyak ci. Ani cu chang gui naw lung düt cine nawng pang u sei phi, Khanpughi naw a ghü ah ak küikyang ah kyak ci.

HEBRU 5:9

Bawipa cu kümbe nak a gah kawn ah, ang thu ngai ciah chang gui-am, angtäi hun nak pe gui ciah ang yung ah kya lawk ci.

THU PHLAAN 22:14

Ami suisak theing khai ah m’suk ci gui cu yeikyai nak om ci, ngami cu ghin nak ah sing ah m’theih ei nak hning la mang gaw ah m’kawt ung luh nak hning cu gah khai gui.

LUKA 14:26

“Kei ah alaw tu pang ung phi, kei ana m’hni ah mä, anupa, achu hta, aphäi nau la amät m’hni pi ciah chang cu, kei ah ng’düihpüi ah kä kya hlawt khai.

1 JOHAN 3:7

Ka htanau gui aw, a u naw kä ning yoshe-en ah gui sä! Bawi Khrit ang düngdau ah mäih ah düng nak bik ciah chang cu düngdau ci.

1 JOHAN 2:29

Nangmi naw Bawi Khrit cu ng’düng ciah nami hmat ci; acun ah mäih ah düng nak bik ciah chang phung cu Khanpughi ah hta ah kyak ci, cicu nami hmat vai kyak ci.

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

2 PETER 1:10

Cun ah kyasei phäinau gui aw, nangmi Khanpughi naw khü ne ning ghü gui ciah, angtäi sei ngaih gep ne, nami tha law nak pi täi ah a kyak ung, a i sang ung phi nami yum nak cu kä nami ng’hlah ta hlawt khai nei.

JOHAN 6:37

Kapa naw a na ap ah chang phung cu kei ah lawk khai gui. Kei ah lawk ciah chang phung cu a u phi kä ka m’hlat ba khai.

JOHAN 6:35

Bawipa Jesuh naw, “Kei cu ghin nak m’htut ah ka kyak ci, kei ah lawk cicu a i sangung phi ei kä cawi ba khai; kei na yum cicu a i yah ung phi tui kä gha ba khai.

JOHAN 5:40

Cun ung phi nangmi cu angtäi ghin nak gah vai ah kei ah kä nami law hlük ci.

LUKA 8:13

Lung hmu ah kya lawk ciah m’shi ci cu, Khanpughi ah ng’thu ng’ya ne yeikyai ne yum ci gui ah kyak ci. Cun ung phi ngami ah m’lung kyong ah Khanpughi ah ng’thu cu kä khäng ne, ashäng hta düt lüng sei tüihtok nak a bui awt law ung maih yei ba ci.

LUKA 8:8

M’shi am shah cu ng’lei k’ni ung kya law ci, cun cu akni ah ng’lih pyou ne, ghing gong ne, phia ciah vuipai m’theih tak ci” ci ne m’thein gui ci. Cun kawn ah “Ak hnga om ci naw ng’ya sä” ci ne m’lau ci.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

JOHAN 8:52

Ngami naw, “Nang cu khoshe naw a ning kai ah kami hmat ci nei, Abraham si pyi ci, profet gui phi si pyi ci gui, cun ung phi kei ah thu ngai cicu kä si hlawt khai” na cik ci.

LUKA 6:48

Kho khi ne aa sei tuinu ang güüt law ung phi cun ah im cu khäng khai ah cawh ah kya ne, kä ng’gäi hlawt ci.